|
التقينا مرّة صُدفة !
~ صُدْفة !! ~ ~ * ~ * ~ * ~ * ~ التقينا مرّة صُدفة ! كنّا نمشي وسط زحمة... و انضرب كتفي بكتفه ! أحلى صدفة ... ! " آنا آسف... اعذريني ! " و طالعتْ عينه بعيني ... و ابتسم... يظِهر لي لطفه ... كان أطالع... كان أشوفه... و اكتشف إنّي أعرفه ! " هذا أنته !! " مستحيل... إيه و الله صدفة !! و ارتعش قلبي على شوفة حبيبه... آه يا دنيا عجيبة ! بعد طول غياب ... ها لصدفة تجيبه ! و انحرج منّي... و حط يدّه في جيبه... و لفّ وجهه عنّي و بسرعة رهيبة !! ما عرفني ؟؟ كيف أنكر ؟؟؟ شكلي أصلا ما تغيّر ... من تركني... و آنا نفسي... بس يمكن صرت أكبر... يمكن أوجاع الزمن رسمتْ على وجهي خريطة... بقعة سودة... و بقعة خضرا ... و خط أحمر... بس قلبي... ما تغيّر... لحظة اللي شافك اهتزّ و تحيّر !! نفس وجهك ... نفس عينك... نفس ذاك الشعر الأشقر ! و فيه خصلة شيب بيضا... خلّتك جذاّاااااب أكثر !!! و ابتعد خطوة.... يبي يواصل طريقه لا ! حبيبي... وين رايح ؟؟ أتوسّل لك ... دقيقة... خل قلبي يسترد لحظة شهيقه... مو مصدّق... يلتقي الساعة رفيقه... يلتقي الساعة حبيبه... يلتقي الساعة عشيقه... بعد لسنين العريقة.... بس ثواني... و إلا عابر (( شخص ثاني )) دار له خلّي و نساني ! طلّع إيدينه و حضنها !! و همس بكلمة في إذنها... من هي هذي؟؟؟ و آنا ويني ... ما أدري عنها ؟؟ اعتقدها اللي خطبها... يا حسنها و يا أدبها ... أحلى و أصغر و الله منّي ! يا ترى... وش قد حَبْها ؟؟ شدْ على يدْها و سحبها ... ضحكت و شدّت لحدها .... كِنها تدري بي أحبّه ! و أنقهرررررررر لا جات جنبه قالتْ الجملة و هم يمشون عنّي : " يا يبه لا تضيع منّي ! " و ساروا... و هْي َ تمسكه تدلّيه طريقه... و انصفع بأقسى حقيقة ... ما ضرب كتفه بكتفي... إلا لأنه... نوره مطفي !!! * * * * * * * * * * * * * الشاعرة / قمره .. |
رائعة الكلمات ..
وكأني قد عشت الحدث ! وكأني قد رأيت علامات الكبر في وجهها والجاذبية في وجهه ! قمر .. شكرا :) |
|
رائع ياقمر كثيراً هذا الكلام
|
زخات مطر لقد أسعدني تواجدك البهي شكري وتقديري |
| الساعة الآن 06:10 PM |
Powered by vBulletin® Copyright ©2000 - 2025, Jelsoft Enterprises Ltd.