محمية أوضاعي
 

[poem=font="traditional arabic,7,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
بياضك يا الورق ما شفت روحي فيه من مده=وأنا ما ني هذاك اللي يجي يمك بلا داعي
أغيب بعالمي وان جيت لك والقلب ما وده=ترى الداعي شقاي ومفرشي قطعه من أوجاعي
غني إلا عن الله والطموح أكبر من الهده=وأنا ما ني مراعي دام غيري ما هو مراعي
حرام اكتال في صاع الوجود الظالم ومده=إذا من حقي اعرف حقي ومن دونه أداعي
أبا انهي جاهلية شك يبغاني على يده=أشوف إن المدى ما فيه غير الذيب والراعي
وأنا لو صارت الدنيا بحر حيره من الشده=احس إن الأمل هو مركبي وأفكاري شراعي
أفل أطرافها وان كنت عكس الواقع وضده=على كل اتجاه أسدل طرف من غيمة إبداعي
وأهيم وكل وادي فيه أهيم .. يمد لي خده=يبي جرة مطر وآنا مضيع فيه مرباعي
وإذا طال السهر والليل حاول يختلس غده=اسل النور في وجه الظلام وتسلم ذراعي
يسيل الضو من صدر الدجى والصبح لا بده=يجي و يقول يا النفس البريئه ليش ترتاعي
لو الإنصاف عم العالم وكلن لزم حده=تلاشى ريبة الجاهل وتبقى حكمة الواعي
ولكنّ الفضاء مسجون والأسوار ممتده=على إثر المعلم والمدير وصوت مذياعي
لو انطق كلمة الحق الجدار العازل أهده=وهذا اللي يريّحني كثر ما يتعب الساعي
يا كثر الأمنيات اللي وئدها الواقع بصده=ولكن يا كثر ما كمْلت أرباعي من أرباعي
يظل الصمت لي خشعة مطيع .. وكلمتي رده=تمرد كل ما مرت على محمية أوضاعي[/poem]

رائعه
من رائع يامحمد
هذه المحميه

محمد البلوي

ونص ينساب منه الحق / الصدق ....

يكتبه إنسان متيقظ للعتمة .. ويرسمه بحذق المبدع وتفاني المضحي للأمل

لا عدمناك ... وشعرك يا محمد

شكرا ً لك

الرائع / محمد البلوي

يالله يا محمّد .. ترتب الواحد من جديد يا بعدي

وأنا أشهد أنه محميّة .. يا محمد .. لا بل سجن كبيــــر
والأوضاع حرس .. أمّا أنت كأي بطل أول ما يتمّرد يتمّرد على نفسه ؟! : )

أشكرك من أعماق مخي وقلبي

تحياتي وتقديري

جميل يا محمد


هذا النص

غني إلا عن الله ...والطموح اكبر من الهده



صح لسانك


على هذا الجمال

حضورك البهي أروع


يا صديقي


شكراً جزيلاً لك


تحياتي وتقديري