طـرقـي ... !
 

[poem=font="simplified arabic,6,black,bold,normal" bkcolor="transparent" bkimage="" border="none,4," type=3 line=1 align=center use=ex num="0,black""]

يا عبيد ؛ لا تبهرك برقة نجومي = مردّها تغرب بليل التفاكير
يسرق سناها ؛ مثل سرقه لنومي = وتصير وجه ما نضح به تعابير
تنبت عناقيد الشري في كرومي! = لاني ولد تاجر ولا مالمشاهير
يا عبيد ؛ من صوكي ونقدي ولومي = تبقى بعيدا لو تمثّلت بالغير
ماهو بطبع لي ؛ ولاهي سلومي = استنقدك في جهل ماحولي يصير
أنا بسيطِ ؛ ما توانا عزومي = تملاني الفرحة إذا جا مسايير
بيبان بيتي للمسايير تومي = صدره سمين وريح جوّه مباهير
يا عبيد ؛ لو مملك دراهم هدومي = ما افّرحت عدواني بشحّ التّياسير
أضحك لو إنّه ما تهيّا لزومي = ومن سال عني قلت مسرور وبخير
يموت سرّي قبل يقرا همومي = سرّي دلو ويدين حرصي له البير
ابغي عدوّي كل ما اشرف ارجومي = يطير من صدره جزع للفشل طير
ياعبيد وشلك في خصايص علومي = طرقي ؛ زمانِ شلّحته المشاوير
أسري بليلي بعد مسراح يومي = ويبين وجه الصبح لي عادي أسير
أطرد بقايا ما بقى من حلومي = حلمي ذهيبٍ والأماني مداوير
يا عبيد ؛ لوّ انفض خفايا كمومي = تستغرب أنّي حي ؛ رغم المكاسير
لولا أني أحمل هم ربعي وقومي = دقّيت في نعش الجلادة مسامير
[/poem]

بيبـان بيتـي للمساييـر تومـي
صدره سمين وريح جـوّه مباهيـر
يا عبيد ؛ لو مملك دراهم هدومـي
ما افّرحت عدواني بشحّ التّياسيـر

راائع يامحمد كالعاده
تعجب من يقرءك
نص جميل ..من شاعر اجمل

محمد

في نصوصك روح لا توجد الا فيها لله درك يامبدع


دمت بود

يكفيها حضورك يا جمان
عن أي ارفاع يمكن لنا تصنيفه
شكرا كبيرة لك

متدفق يابواسماء بشكل جميل
تسهب في ارواحنا كثيراً
وتنتشلها من الاختزال ..

لله انت