|
[ طيف ] !
واللي خلق هجرك ....... عشان يكسرني ! حلمي .. أبي أخسرك ....... مابيك تكسبني .. إلى متى بـ اسهرْك ....... أتخيّـلك جِفني ! شاعرْك لو مَ اشعرْك ...... إنــّـك تقـدّرني ! لو ما قدرت أترْك ...... ساعدني .. أتركني !! / \ تجيني طيف .. وامرر بالهوا يدّي .. أحاول امسكك لكن ..! ابعرف .. كيف ؟ وانا بعدك .. وطن يبكي جفوه الناس سكن فيه الخريف وكان يتساقط من أغصان الشجر .. حزن / وحنين / وياس وكان الناي / صوت الريح إذا غنــّـى يطيح الليل في حضن السما يجهش وتتهاوى النجوم تصيح ..! واشوفك حلم من غبتي .. واحس ان كل شي انتي وآخيلك في الظلام / الضي بدونك .. كل شي [ لا / شي ] ومن صارت جروحي شمس وانتي غايبه عـنــّـي وانا .. ما عاد فيني فــَي كثر ما كانت أحزاني تغازلني وترضيني .. إذا الأفراح بكتني من الحرمان / تبكيني كثر ما أشعرك فيني وأعيشك في غيابك زيف ويلبسني الشتا معطف .. وادوّر للدفا عنـّـك / بفصل الصيف ! ( تجيني طيف ) وامرر بالهوا يدّي أحاول ألمسك لكن .. ابعرف .. كيف ؟؟ مخرج : حبيبك لا تحطه في عيونك لو تحبه موووت ___ عشان إن غاب ما تفقد بصرك وتكرهـ عيونك ! وتكرهـ عيونك ! وتكرهـ عيونك ! . . |
نايف كم كنت رائع في هذا النص المتبختر باعذب الحروف نص به عتب و تساؤل و احساس نقى و شعر وصف الغياب بأسلوب بديع جدا شكرا لك على الشعر اخي نايف احترامي |
. تجيني طيف .. وامرر بالهوا يدّي .. أحاول امسكك لكن ..! ابعرف .. كيف ؟ مااجمل الصوره ومااعذب احساسك |
انت شخص خرافي هذا النص يحتاج لقرأته الف مره لا املك ردا ً يليق بك ياعذب لكن سأعود مرارا ً مبتزما ً الصمت فالصمت في حرم جمالك جمالُ محبك |
|
لا تَسل عَن المطر يا نايف وفي يدك الغيم والربيعُ النَّضر كُنت أُحدِّثني بالأمس عَن غِيابِك المُمحل وها أنت تَجيءُ بكامل وَهجك وتبعَث استفاقات متواترة على أثرِِ ضجيجك العذب هنا تصويرُك خلابٌ وإحساسُك رقيقٌ رشيق أهلاً بِك كثيراً . |
الشاعر القدير \ نايف العمــر والله زمان عن نبضك وأي جمال يستوطن ابداعك يا أنيق :) ..! رآئع وجداَ يآ مٌبدِع .. حبيبك لا تحطه في عيونك لو تحبه موووت ___ عشان إن غاب ما تفقد بصرك وتكرهـ عيونك \ للحظَاتُك ... السعادَة وَ السُرُورْ http://www.u3u2.com/vb/images/smilies/rose.gif |
الغالي نايف العمر
مثل هذه ِ النصوص تبقى بالذاكرة طويلا ً , فالمفردة البسيطة حين تقع في يد مبدع يستطيع تحويلها إلى فتنه تماما ً كما فعلت سمعت هذه ِ الفاتنه منك قبل شهور وكان هذا شرف لي وها أنا أرددها بذات البهجة التي شعرت بها يوم أسمعتني إياها هكذا هي النصوص الجميلة لا تفقد روحها أبدا ً ( تجيني طيف ) وامرر بالهوا يدّي أحاول ألمسك لكن .. ابعرف .. كيف ؟؟ ملاحظة : مخرجك مدخل لكل الأشياء الجميلة لك ودي يا نهر |
| الساعة الآن 12:24 AM |
Powered by vBulletin® Copyright ©2000 - 2025, Jelsoft Enterprises Ltd.