احسن بلا عنوان ..
 

السلام عليكم ورحمة الله وبركاته ..

من زمان ماشاركناكم فتقبلونا كعادتكم .. الكريمة


.
.
[poem=font="traditional arabic,7,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
القلب .. لو حوله تنادوا محبين = كسير ماله في هواه استطاعه
ما غب صدره من حنين اضلعه شين =نار ٍ وقدها اللي فريده طباعه
المترف اللي حطني بين ثنتين = فرحة لقاه وحسرةٍ في وداعه
اقل من تشبع به الروح والعين = ضحكة ثواني عقبها دمع ساعه
صوته ونبراته وحزنه مقيمين = يرحل وتبقى لي بفقري بضاعه
منها اتقوت لا غدى الهم همين = والقلب غارق في حنين ووداعه
والحب .. ورد بلا عناه ومراعين = يبست وريقاته وذوى متاعه
فالله لا يسقي غداة امرح البين = بعض الغلا ماله علاج ومناعه
يبطي ويفنى صبر واحساب ويبين = بان المحبه ما اثمرت في قطاعه
من غاب وانا اعد له شهر واثنين = والقى السنين تزيدني من وجاعة
وايقنت بان الزين ما يخلفه زين = والقلب يلقى سلوته في ضياعه
وتعيش خالي .. سالي بلا عناوين = لا ضغط .. لا سكر تخاف ارتفاعه [/poem]

عبدالرحمن

حلق بعيدا في فضاء الشعر

انت رائع

عبدالرحمن الزهراني

كل الشكر والتقدير .. لمرورك الكريم
تحيتي واحترامي

وعليكم السلام ورحمة الله وبركاته
الفاضل : عبدالرحمن الزهراني
أشكرك على هذا النص العذب والجميل
دمت بخير...

صح لسانك وقلبك

نص جميل وعذب

تحياتي لك وتقديري

اخي عبدالعزيز .. شرفتني بمرورك الراقي

دمت بود

تحيتي