منتديات أبعاد أدبية

الصراع

[poem=font="simplified arabic,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
بيني وبيني وبين الهم طال الصراع =ويطول ليلي وكل ايام عمري صريع
ضاعت سنيني على تحصين خط الدفاع= وافنيت جيشي وماشي فوق خطٍ سريع
مالي قناعه واشوف الكنز بيد الجياع=مشبع قناعات والمقسوم عنده ضريع
حلم تعلقت في حبه لحد النخاع=وجه التواضع عليه اليوم وجهٍ شنيع
تواضعه زاد لين ازداد وضعي ضياع=يومه تواضع تواضع لين صفى وضيع
ياصعب عندي زياره يم سهل البقاع=ومعانق اموات غزه فوق ارض البقيع
والذاكره فل بالوافين يابو قناع= اللي بنو وين مدري وين مجدٍ فظيع
من صدق الذيخ ابن الذيخ خلفة سباع=او صدق الذيب انه جاب حملٍ وديع
انسان جاهل بعلم النوع والاجتماع=مايدرك القوم تعني ناس ولا قطيع
لوكم واحد من التالين قال الوداع=طالبك يالله مايلقون عندك شفيع
شريفهم لص واطيبهم خسيس الطباع= وادناهم اللي حقن بالسو طفلٍ رضيع
ياللي تجودت بحبال الردى والخداع=يا ارخص الناس مايغنيك شيٍ تبيع
خلك وانا وين ماسجيت وافي ذراع=والقى مكاني بصدر خيار ناسي رفيع
يشفيني الداء والقى بالفطام الرضاع=وابرد من الدفء وادفى باشتداد الصقيع
يادرة الغيد يا ام العيون الوساع= ياللي على ماتجمع فيك عفت الجميع
لوكل عذرى بعين الذات ذات ابتداع=انتي بلا شك ذات لكل شيٍ بديع
بريئة الحب والتفكير والاقتناع=حمامة البيت ماهنيت قلبٍ وليع
لاتطلبيني من الاشياء مايستطاع= غير اطلبي كل مالا ادركه واستطيع
المستحيلات لعيونك تكف امتناع= ويصير فصل الشتا والصيف كله ربيع
نامي بلا هم ليل الهم ملكٍ مشاع= لي ياملاكي وملك الناس نوم وهجيع
فالليل لو انه أعمى مصغي الاستماع=وأبصرت انا في ضلامه كل شيٍ منيع
ان ضاق صدري يقول الشعر امرك مطاع=يعني مع الضيق دون الضيق ماهو مطيع
وان جيت يالحيد يالحر الكريم الشجاع=يا اوسع الناس يوم القاك صدري وسيع
وابيات شعري على مافيك من اتساع=تضيق وديان عبقر في بناه وتضيع
تزيد يامحمد الجربا تزيد ارتفاع= بالجود والراي والفكر وبياض الصنيع
واغليك بالله والدنيا بكل المتاع=يفداك زينه ويحفظك البصير السميع
ماكان بيني وبين الهم غير الصراع=واليوم بيني وبينك كل همٍ صريع[/poem]

محمد الجربا
هو الشيخ محمد العلي الدويش الجربا