|
[ نــيــــازك ]
: : انتي والموج أصدقا انتي والموج اصدقا ** هو أبد ما يكسره غير الصخور و انتي ما ضاق بعيونك غير سور هو يداعب هالمراكب و انتي تغريك الطيور ** انتي والموج اصدقا انتي والموج أصدقا ** هو إذا ما يشبهك شاف بعيونك محطات وبحور لملم دموعك و طعّم مهجته ذكرى فرح مبتور ** انتي و الموج أصدقا انتي والموج أصدقا ** يراقصك ،، والريح تعزف لك وطن إعذريه إن ودعك ما يلوّح لك رضا إلا يستجدي من غيابك حضور ** انتي والموج أصدقا انتي و الموج أصدقا : |
** غريبة .. هالأرض ما هي حضنك الدافي .. ياما كنتي طير ،، و كانت أقفاص و قيود .. ياما قصّت لك جناحك .. و كسرت داخلك جود !! إنتي موطنك السما ،، و الغيوم وسادتك .. أدري خلاّنك كثيييير .. بس نفوهم سادتك !! أدري موطنك الأثير .. تسكنين عيونهم .. غريبة .. شفت بعيونك وطن .. دثّره رمشك و نام .. اسأليه إلى متى .. ؟ ليه ما زاح العسام .. ؟ قلت لك إنك غريبة .. مثلي .. كل الأمنيات .. و الله ربيتيه مات !! مثلي .. عيونك تشوف .. و قلبك أعماه السكات .. غريبة .. تناظرين فـ هالمدى .. و يجرحك لون الصدى .. و طفلك اللي ساكن فـ قلبك صحى .. تو صحى !! لك عام و انتي تغمّضين عيونه .. توعدينه إن هدى ،، لغالينه تودينه .. : ما وفيتي .. و هو كُبر .. ما وفيتي .. و هو كُبر .. ** |
|
ليلة حزن
: : لا تضيق السحايب ما لها غيرك صديق .. من زمن شم المعاني لين ما ضاع الرفيق .. و انت مجدك تنفتح له صدور و أسوار ٍ تضيق .. لا تضيق من غمض عينه على جمرة وفا من شـِـبح نظراته الولهى و سما من تنحى ـ من لمح برقه ـ جبل و من تصافح جبهته الريح و يفيق .. لا تضيق و حدك اللي كوّروْا صدره مواويل و جراح .. وحدك اللي لملموه من السما حلم و جناح و ارسموْا في مقلتيه أحزان أمير استباحوْا في غيابه ورث أبوه و احرقوْا خضرا بلاده و احبسوه !! لا تضيق الزمن هذا يبيعك قبل ما يزهر ربيعك احلم بفارس همام يعصر اللي ما سقاك من الغمام و يزرع بصدره أمانيك العـِظام و لاّ يفرش لك من ضلوعه طريق لا تضيق : |
| الساعة الآن 09:38 AM |
Powered by vBulletin® Copyright ©2000 - 2025, Jelsoft Enterprises Ltd.