رحـلة التأبيـن ! ( عناق )
 

[poem=font="tahoma,6,,bold,italic" bkcolor="transparent" bkimage="" border="none,4," type=2 line=1 align=center use=ex num="0,black""]
بـ تتغلي؟! معا نفسك! أنا عايش معك وبلاك= أنا ما اغليتها نفسي عشان..تجيني..تذلين
خلاص اليوم ودعت اللقا مستقبل ٍ فرقاك = وزادي من جراح الذكريات يشبّعك عامين
تعبتك راحه ومليت راحات التعب وياك = وحتى جيّتك روحه ! أجل روحي عشان ..تجين
كفوفك ساكنه كفي وكفي شرّده منفاك = وكلما يوعده موطن تخونه غربة التوطين
بيائك ابتدي وانهي بهمزة قطع من يمناك = وانا اللي احتفي واعطي بدال الكف لك كفين
سكاكينك هجر تطعن وصالي والدما ذكراك = متى بتمِلّك امتون الوصال وتكسر السكين
حلمت ابجيتي راوي وكان بخاطري اضماك = وحتى حلمي المجنون عيا لا يجيبك زين
ابعطي خاطري رضوه لعله يذكر وينساك = وابتناسى بذكرك ما بقا من سالفة اثنين
أنا كلما صدق لي نجم يكذب واقع الأفلاك = وكلما يصدق الواقع ظهر لي بالسما نجمين
على ما كان مني في غيابك منتظر لقياك = لقيتك تنطري خطّ النهاية قبلما تبدين
لقيت اني على باب الأمل متعثر برجواك = ولاعديت بدروب الهجر أكثر من الشبرين
أنا هاليوم كافر بالوصال ومؤمن بفرقاك = أنا برتد عن دين الغرام وبتبع المقفين
ما دام آعيش بعيونك ومتغرب بعيد هناك = ابرثي موتك بعيني وعيشي رحلة التأبين[/poem]

فارس
حُضُور أوّل كَبِدَايَات المَطَر ، ولِنَتَرقّب القَادِم بِحُب
رحْلَة التأبِيْن
حُضُور جَمِيْل
أهْلا ً مُمْطِرَه

الصديق العزيز / صالح فارس


أرحب بك في وطنك أجمل ترحيب , وأرحب بك في قلبي أطهر ترحيب !
أهلاً بك ياأباشادن , وأهلاً بالشعر !


أكيد حضور أول ؟

ماعاد نبي نقرا هالكلمة , نبي حضور مكثف :)

اهلاً وسهلاً ياصالح بك وباالشعر
مصافحه عذبه وشعر يستحق الإحتفاء

نتشرف جميعنا بقدومك الرائع

صالح
أهلاً بك وبقدومك العاطر والماطر
كلمات راقيه ونبض جميل لك كل
الشكر ودمت بود

(حلمت بجيتي راوي وكان بخاطري أضماك
وحتى حلمي المجنون عيا لا يجيبك زين..)

ريان بالشعر أنت .. ونحن من سـ يضمأ لانتظار هطولك ..

صباحك مطر ..

ود وورد ..