سحر البيان
 

بيني وبين فهد عافت

شي من الذاكره الى ذائقتكم كلي امل ان تنال الرضى

ســـــحر البيان ,,,

ظربة كبير وصادفت حظه الزين
.. اللي رمى طيرين بحذفة حصاته

سحر البيان سر اختصار المضامين
.. ايعاز مايعجز عن انجاز ذاته

ْيعز حرف وتنكسر نفس ويلين
.. كم شاعرٍ جاب الوجع مفرداته

يافهد عافت اربكتني الموازين
.. حرفك يبعثرني والملم اشتاته

والفكرة اللي ماطرت للشياطين
.. الآدمي تطري عليه ابصلاته

الشعر ماهو زين ولا هو بعد شين
.. والنفس ( عافت ) علقمه مع حلاته

تشرب من العلقم وتنبت لنا ( تين )
.. ( عافت فهد ) واستعذب الما نباته

يضحك فهد تستر على دمعته عين !
.. واليا بكى خلا القصايد بناته

يروي عروق الناس شعرٍ عن البين
.. يحفر وندفن بالمحاني ثباته

وانا لك الله من عرفتك إلى الحين
.. أدفن بجرحٍ تحفره ذكرياته

ولاَّ الضما مايروي الملح والطين
.. إن ما يبس قاعه أبضمي لهاته

نمشي بدربٍ كلنا به مقفين
.. كم واحدٍ يركض لسكة وفاته

باكر وبعده بالعدد ( سالب ) اثنين
.. الآدمي يكبر وتصغر حياته

اللي مضا مديون واللي بقا دين
.. والوقت سوا بي وهذي سواته

يالله ؛ طير وحظ زين وحصاتين
.. وحنكة أبو عافت وحذفة حصاته

يمكن مع المعنى نصيد الموازين
.. ويفصخ تواضعنا ونلبس عباته

...

كل المودة

الحمد لله على السلامة يا ابوهيف

فقط حضور للسلام عليكم

ولي عودة للإحتفاء بالشعر أكثر


والفكرة اللي ماطرت للشياطين
.. الآدمي تطري عليه ابصلاته

دامك الله ابو سعد

كلي انتظار لعودتك
الى محلك حياك

.. واليا بكى خلا القصايد بناته


لهكذا شعر وهكذا ابداع الف تحيه
شكراً ان منحتنا الدفئ والشعر معاً

كل التقدير يافايز

.
.
جميل وعميق جداً / يافايز ..!

ومن الشعر سحر ..
.
.
رائع ..


تحاياي

ميرال الشكر وكل الامتنان لحظورك الطاهر

لاخلا ولاعدم