منتديات أبعاد أدبية - ظروفك القشرا

منتديات أبعاد أدبية (https://www.ab33ad.com/vb/index.php)

- أبعاد الشعر الشعبي (https://www.ab33ad.com/vb/forumdisplay.php?f=3)

- - ظروفك القشرا (https://www.ab33ad.com/vb/showthread.php?t=21243)

ظروفك القشرا

كل عام والجميع بخير ..

عشان ظروفك القشرا .. رضيت بواقعي وياك
......... ما دام العذر بظروفك .. انا بـ الله وش عذري !

تسهـّل .. ماعلى اللى راح ذنب ٍ يستحق ابكاك
..........و خل الدمع لـ عيون ٍ( تحبــك) يا بعــد عمـري

ترى ما فيه اجمل من مساء تمر به ذكراك
......... اقـلّب بالورق ذكرى.. يفوح بعطرهــا صدري

ثلاث سنين واكتب لك انا ميت على لاماك
............ ثلاث سنين وجروحي.. تهدّدني على قبـري

انا والحزن من مدّه نزف بـ هالورق طرياك
............ نسولف بـ الشقا تاره وتاره يشتكي حبــري

انا ما اكتب بك ( اتسلى ) ولاني مستعد انساك
........... لاني حالفٍ لك قبل ( يغوص بخنجري خصري )

انا اكتب فيك لان الحزن يلقى راحته بحماك
......... عشان القلب لا ضاقت عليه وملّني صبري

ولا ابغى اكثرمن أنني انام وبـ الجفون القاك
......... اغطيك بعيوني لين.. ما الله يجبــر بكسري !

تحياتي للجميع ..

.
.
.
عبدالإله العنزي
رائع جميل هذا النص
دمت بود
.
.
.

البناخي

صح لسانك

قصيدة جميلة وشاعر اجمل

لله درك

احترامي

عمر المرواني ..

الف شكر لـ مرورك

احترامي لك ..

سعد مسهوج ..

صح بدنك ..

والف شكر لمرورك ..

عبدالإله العنزي

كتبت الحروف ...... ونثرت الورد

ينبض القلب .... وتتدحرج الاوراق عطر

وتخرج الكلمات ..... فتبتسم الارواح

رائعه كروعه فكرك.....

عمق الألم ..... wadren

الله الله

نص جميل جدا

غارق هنا

حتى استفيق

وادرين ..

الف شكر لمرورك ..