أهدي هذا النص لسابقه هنـ http://www.ab33ad.com/vb/showthread.php?t=20790 ــا







كلاهما والنبض لكم










.



.



.





عَاشِْقِين الْقصَايِـدْ مِكْرِمِيـنْ الْقُوَافِـي
ــــــــــــــ وِشْ سَوَاةَ الّلي مِثْلِي فَاقْدَا لَّه قَصِيـدَه


حِسْبِةْ أهْلُ وُجَمَاعِهْ بِينْ / إيهْ وْعَوَافِي
ــــــــــــــ وَكّلْ اللي يُوَالِفْ صَوْتَهَا مَـعْ نِشِيـدَه


مِنْهَا طِيبْ الْوِشَاحْ ولْلعِيـونْ الْغَدَافِـي
ــــــــــــــ الْبِيوتْ الْفِرِيـدَهْ مِثـلْ مَاهِـي فِرَيـدَِه


لَلمَشَاعِرْ ضُمَادْ جُروحْ ثُقْـل وْخَفَافِـي
ــــــــــــــ للحَمَيَّـا تِشِـرّعْ كِـلّ هَقْـوهْ بِعِـيـدَه


بَالبِيَـانْ يْتَزَيّـنْ جَدْرَهَـا بِإكْتِشَـافِـي
ــــــــــــــ قَبْلْ أنَادِي هَلابِكْ رَحّبَتْ بِـي جِدَيـدَه


فِكْرِي اللّي بَذَرْهَا مَاحَسَـب لْلسُّوَافِـي
ـــــــــــ تَطْلَعْ الشَمْس تَكْشِفْ وَجْه زَيْفْ الْمِكِيدَه


كُلّ مَا سَامَرَتْنِي فِـي هَجِيـرْ وفِيَافِـي
ــــــــــــــ كُثْرْ مَـأعْسِفْ صَعَبها مَاخَبَْرتْ الشِرِيدَه


بِنْتْ عِزٍ رَقَتْ بِـي بَيّنَـتْ لإخْتِلافِـي
ــــــــــــــ بَالنَّقَـا تِرْتِوِينِـي فِـي حَيـاةٍ سِعِيـدَه


بِنْتْ شِعْرٍ رِقِيقِهْ بَالْوَلـعْ فِـي شْغَافِـي
ــــــــــــــ أُغْنِيَاتْ الْعَفَافْ وبَـوْحْ جُمْلُـهْ مُفُيـدَه


مَاهِي بَأَيْ الْبَنَاتْ الْبَايْنَـاتْ الْخَوَافِـي
ــــــــــــــ كِنَّهَا تْقًولَهَـا انَـا الله خَلَقْنِـي وَحِيـدَه


مِنْ غَلاهَا تَشَّرْبْنِـي شْعُـورْ بْضْفَافِـي
ــــــــــــــ غَايْةْ المَعْنَى صَاحِبْـةْ السُّمُـو الْعَنِيـدَه


زْهْمَتْنِي رِقِيقَهْ بِيـنْ عُـوجَ الرَّهَافِـي
ــــــــــــــ رَوَّّحَتْ بِي مَعَاهَا قَبْـلْ تِصْبِـحْ فِقِيـدَه


وِشْ سَوَاةْ الّلي مِثْلِي بِهْ تِهِيمْ الْقُوَافِـي
ــــــــــــــ لالَقَتْنِـي قِصِيـدَهْ ضَيَّعَتْنِـي قِصِيـدَه








كونوا بخير