|
إلى كل أنثى مقهورة .... أهدي قصيدتي
[poem="font="arial,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] لا سَلَّـمْ الله يميـنٍ مِـنْـك صادَتْـنـي =يا مدمـي الهامـه الله عَنْـك مرفوعـه
أعياك راسـي وطـاوَلْ للسمـا مَتْنـي = وانت اسكنَتْـك الدنايـا جحْـر يربوعـه ماني بمثلك سحابـي مـا يجـي هَتْنـي = أنـا تـرى وابـلٍ جَـرّتْـه مَتْبـوعـه وان كـان الانـذال عابَتْنـي وْسَبَّتْـنـي = الوَرْد يغري دبيب القـاع فـي ضَوْعـه أنعمنـي الله عليـك ورام بـك فَتْـنـي = والتِبْـر بالنـار يُجلـى للبشَـر نوعـه دِنْيَـاً علـى غيـر مشهاتـي تولّتنـي = وانا على السِّلْـم الاوَّلْ واتْبَـعْ سْنوعـه كم نوّخَتْ بـي علـى اللوعـه وْخَلّتْنـي = أظما وعـن جَمّهـا رِجْلَـيّ مَمْنوعـه فيها كمـا الـوَرْق للأغصـان حَدَّتْنـي = يبكي وهو يطـرِبْ المشتـاق بِسْجوعـه وانا على الشوك مـن مبـداي مَشَّتْنـي = ولا هي بتصفى وعمري يَطْوي شْروعـه للقاف من غِمْدهـا الموجـوع سَلّتنـي = لين انثنيـت لْحَشـاي آدوزِنْ وْجوعـه كـم وَقّفتنـي علـى الأطـلال وابْكَتْنـي = على رجا فَجْرها اللـي مبطـي طْلوعـه آشِـبّ نـاري علـى النايـف وْشَبّتنـي = بالله وش حَيّ تصلي جوفـه ضْلوعـه؟! خَلَّيـت مـا لـي حبيـب خْطـاه لَبَّتْنـي = والريح تدوي وطنْـب البيـت مَشْلوعـه وشلـون كَـفٍ روَتْ جالـي وْلَمَّتْـنـي = رَدَّتْ على الروض الاخضر تَحْرِقْ زْروعه والنـاس هـذا شفـوق وذاك يبهتـنـي = والسوّ لـه كلمـةٍ بالنـاس مسموعـه أقفـت ركـاب المـودّه مـا تحَرّتـنـي = لين أشْهَبْ اللال جَـز الرَّكْـب وِمْتوعـه ما بين يَمْنَـيً سطَـتْ وِشْمـال لَفّتنـي = حب انطوى بالعـذاب وْبَـادَتْ شْموعـه[/poem] عيده الجهني 1426هـ |
عظيمه ياعيده عظيمه
وهذا البيت يكفيني والله به من الشعر وعزة النفس الكثير الكثير وان كـــان الانـــذال عابَـتْـنـي وْسَـبَّـتْـنـي ــــــــ الـوَرْد يغـري دبـيـب الـقـاع فــي ضَـوْعـه اتى هذا البيت بوقته اما انتِ يارائعه لكِ الحب والتقدير |
عيده الجهني ـــــــــــ * * * كُلّ الترحيب بك يطيب . : وَ إلى كلّ مقهُورٍ - أيضَاً - يُضيفُ الإهداء ، فالشّعر الجيّد مَتبوع لا يَستثني تابعاً عَن تابع .. تمَاماً كَـ : " وابــــلٍ جَــرّتْــه مَـتْـبـوعــه " ، وَ هُو زينٌ : " وَ الزين مثل الحيا متبوع " . : عيده الجهني مُتفرّدة دائماً ، فشُكراً لك كثيراً . |
اقتباس:
عيده الجهني .. ضاعت الكلمات يا عيده , شكرا لكِ على احترام وجودك ووجودنا اختنا العزيزة . |
اقتباس:
الجميله عيده كفيتي ووفيتي / قبل ساعه كنت اقرا اهداءك لسوق عكاظ دمتي بـ ود |
كــم وَقّفـتـنـي عـلــى الأطـــلال وابْكَـتْـنـي علـى رجـا فَجْـرهـا الـلـي مبـطـي طْلـوعـه آشِــبّ نـــاري عـلــى الـنـايـف وْشَبّـتـنـي بالله وش حَـيّ تصـلـي جـوفـه ضْلـوعـه؟! هنا بالضبط كان كل شئ جميل جداً صح قلبك |
مُتَفَرّدهـ يَاعِيْدهـ
وُجُودُك ِ إكْرَام ٌ للشّعْر النّسَائي ، فَأنْت ِ تُقَدّميْن الشّعْر بِمَا يَلِيْق بِه رَائِعَة ٌ والله |
اقتباس:
كم انتي رااائعه نص شامخ حد السماء وشاعريه فاخره انتي فعلا سفيرة الشعر النسائي الشعر معك بألف خير ودي وردي |
| الساعة الآن 06:52 PM |
Powered by vBulletin® Copyright ©2000 - 2025, Jelsoft Enterprises Ltd.