|
التاريخ يعاد رفسه
(التاريخ يعاد رفسه) لا تجزي الليل دامه بالسهر دفا عيوني كان همك تجمعي هالفجر مدري تحطبي جذع الشروق ... الله يعينك بس حدك تجمعيني ما ابي شمسك وخلي هالقصيده تحتضر فـ البرد يمكن بالقناعه تذكريني كم أخذ وجهي نصيبه من وجيه الناس شوفي ... هالوجيه الغارقه في همها يا كثر ما عاشت حزينه مو غريبه يوم قالوا ان الشوراع ... عافت اقدام المدينه والسما تفرش جلود الناس في بهو القصيده مو بعيده دام كلْنا ننجرح البعيد : اللي انجرح منا تمنى يربط الجرح بْـ وريده ******** ما نبت من ذا الشعور الا خراب الكيميا والجهل واطفال الدموع كلما جانا خريف الفقر علقنا سحايبنا وقلنا: ما بعد هالجوع جوع الحياة اشبه بعمر الملح لا منه تعرى في المياه والجسد ما همّه الا كلما يذبل تدلى في خشوع لين يتكسر ظماه لين يتفجر سكوته في كلام العابرين لين تلقاني حزين. الحياة اشبه بملح العمر لا منا اشتهينا خبزنا همنا.... نزرع شهية حلمنا ما نشوف الارض خصبه للنعاس الا حرثنا الهم فيها مو بعيده والسما تفرش جلود الناس في بهو القصيده ******* البحَر يحلب ضروع النمل .... والشاطي تمرغ في رمال الجوع.... والصحرا طموحه للتمدن في بلاط الكادحين لو تفتتش في جيوب الكون تلقى ع الاقل في كل جيب احلام شاعر بعضها تحلق لحاها وبعضها ... من كثْر ما نامت نبت فيها عماها قول بس الله يعين ما لقينا في الطريق الا الطريق الرصيف اعمى وجدران المنازل تحتضر.... والناس , ما به ناس غير اثارهم تنضح حريق قول بس الله يعين ******* للغياب اولاد واللقيا يتيمه صار للاعذار في ذا الوقت قيمه شوفني والليل يبسط لي فضاه ما تواعدنا على كسر السهر والشاهد الله في سماه كل ما في الامر اني كنت ماشي في همومي والتقينا ما علينا! خلنا نعرف حقيقة هالغياب يا ترى شهوة أماكن للتخلي عننا والا سراب إيـــــــه ما للشاعر الا يمضغ احروفه ندم وانت يا من تقترف اثم القصيده وش بقى لك غير ذكرى عابره جزت الليل وتمادت في طعون الذاكره وش بقى غير السما تفرش اجلود الحقيقه في وجيه الناس والشاعر حزين قول بس الله يعين. |
ما بعد هالجوع جوع الحياة اشبه بعمر الملح لا منه تعرى في المياه والجسد ما همّه الا كلما يذبل تدلى في خشوع لين يتكسر ظماه مربك هذا التاريخ ياأيمن أتيت بالدهشه شكراً لاتنتهي ابداً لهكذا احساس راقي جداً |
أعلَمُ يقِيناً أنَّ لَكَ فِي كُلِّ مَوطنٍ مَوطِيءُ ضَوء .. ولَك فِي السَّماءِ أُفقٌ أزرق مُنذ خُطوتِك الأولى وأنتَ تَجيءُ كَالمواسِمِ الطَّيِّبَة فِي مَطرها وتُشرِعُ النوافِذ المُغلقة مُنذ زَمن العصافير تَبعَثُ بَهجتنا بمِثلُ هذه المَقطوعات المَوشُومة بالجَمال مِن أقصَاها إلى أقصَاها وتَعبَثُ بناي الحَرف فنستَغرِقُ في عزفِك ونَزفِك ونَبتَلُّ بِمثل هذا الغِناء يا أيمن شُكراً لهذا الكثيف من الشِّعر . . |
شَاعِر تَسْكُب الضّوء بِحَرْفَنَه جَمِيْلَة التّاريْخ يُعاد رَفْسه والشّعْر يُعَاد بِأهْلِه أيْمَن رَائِع ، وأكْثَر |
اقتباس:
ميرال تلك الدهشة لا تتعدى كونها واقعا مريرا لك ما ارتقى من ودي |
.
الله يعين الله يعين .! كُنتُ هُنا , تُمطرني المقطوعاتُ بالجمالِ وتُسقيتي صمتاً .! مُدهش . |
اقتباس:
ميرال سعيد جدا أن أرك أول القائمين على أمر هذه الدهشه لك وافر الود |
ايمن الشهاري
الله يعطيك العافيه جميل ماكتبت استمتعت بقراءته لك ودي |
| الساعة الآن 04:51 PM |
Powered by vBulletin® Copyright ©2000 - 2025, Jelsoft Enterprises Ltd.