| دمـع الشـموع | ؛
 

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]روح ؛ خلّ الجروح ؛ تروح يم الضلوع=وانت ؛ لا هنت ؛ كنت البارع بفتقها

يوم لي قلب راضي منْك ذلّ وخضوع = ورقبتْه اتّمنى ما يجي عتقها

رحت ترفس لقلبي نعمتِك يالقنوووع=والمشاعر حكمت بقلبي بشنقها

ليه مارست فيها الظلم من كل نوع .؟=يعني ذنب المشاعر جاتك بصدقها .؟

يوم الأحلام عاشت في [ زمان الصدوع ]=بيض الايدين ما عاشت [ زمن صفقها ]

وقتها ما شعرت بعثرتي والوقوع= بس هالحين ابيك تشوف بي فرقها

كان دمعي يشابه دمع ذيك الشموع=كثر ما احترقت .. عيوني شكت حرقها

ما نفعني تجاهك لا بكا ؛ ولا دموع=منْك حتى دموعي منقطع رزقها

والذي حدّني بصحراك .. أظمى واجوع=غربها المنفقر ؛ عشّمني بشرقها

الليالي ثقيله ماتسرّ .../ وتلوع=مير حتى القصايد شحّت بطرقها .!

[ الخميس ] ان سبق في يوم ../ يوم [ الربوع ]=والسما لو يسابق [ رعدها ] ..، [ برقها ]

ذيك الاوقات أجيك ؛ وكلّي للحب طوع=والمشاعر تحنّ بقلبي لعشقها !

مير خل ّالجروح ؛ تروح يم الضلوع=وانت ؛ لا هنت ؛ كنت البارع بفتقها .!![/poem]




؛

مسك

أهلاً بالمسك الشمالي , والشعر العَطِر

لافض فوك , امتعتِنا ,

ودّي لك والسلام

هديتي

في هذا الصباح

كوني قرأتك مبتسما

تحيه تزهو بك