الإهداء لـ [ هواة السفر ] .. مـُرغميـن .. ولـكــم !
 

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]



:=:

[ السفر ] .. سِكة اللي راح عمره سُـدا ..=لا حصـلّه [ مـقام ] ولا حصـلّه [ مـقيل ] ..



ضيّع [ النفس ] آمـانيها .. وحلم ٍ غـدا ..=والطموح إستوى لـ [ الطامحه ] مستحيل ..



يا [ خوي المسافة ] .. وش حصيلك عدا ..=مهمه اللـيل .. وعيـونٍ تخيـل وتسيــل ..



كل مـا لاح بــرق ٍ في سـمـاك .. إبتـدا ..=[ حادي البعد ] يشعب لك ركاب الرحيل ..



ظـالـم الحـظ .. وأكثر من ظـلام المـدا ..=كيف حطّك بوجه [ المهمهيّه ] .. دخيل ..



مـا بقـا لك رفيـق .. ولا بقـا لك عِــدا ..=غير درب ٍ على جنبـيـه .. مــات النخـيل ..



من ردا الوقت صابك [ يالمجَرّب ] ردا ..=وإنت يمـنـاك .. عيّـت لا تمـدّ القـليـل ..



صافح [ الغـيـم ] كفّك .. ثم تساقط ندا ..=عادتك .. ما تبعت المد ّ .. [ مِنّة بخيل ] ..



سقت روحك على شـان المـبادي فِــدا ..=وكـل مــر ٍ تجرعـته .. بـدا سـلسـبـيل ..



ما لصوت [ الضواري ] وإن عرضلك جدا ..=صوتك اللي يهابه .. كل [ عابر سبيل ] ..



فيك .. من ضيّعته [ الموضيات ] .. إهتدا ..=كنّك [ سـهـيل ] طول العام .. فيك الدليل ..



لبْستّك الليالي .. [ ضيم أهلها ] .. رِدا ..=وأصطفتك المواجع .. وإنت [ رجـلٍ ثقـيـل ] ..



كل جنب ٍ مهوب [ جنبك ] .. غشاه الصدا ..=وغير [ بـاعـك ] لحقه قصور .. لو هو طويل ..



أصدق الحزن .. [ حـزنـك ] .. لاتعذل الحدا ..=جاوِبْ الريح في [ تنهيدتك ] .. يـ العـليـل ..



وإن جفـتـك [ المسافه ] .. لا تلـوم المـدا ..=ضفّ عزمك .. وزمّ النفس .. وإنسا [ الرحيل ] ..

:=:



[/poem]

فن سفري شعري رائق راقي ,
حتَّى القوافي مسافرة :
إبتدا / الرحيل
المدى / الطويل
إهتدا / الدليل
والإبداع داخل النص , بالمعاني وتراكيب الجمل , ممتاز
بإختصار , النص مكتمل بجميع عناصره


لك تحيَّاتي يامحمد

محمد القاسمي ونص عانق الغيم

لقد أرتويت شعرا

شهادتي فيك باتت مجروحه

تحياتي

محمد
ثَريّ ٌ هَذَا النّص حَد الغِنَى

بقافيَتِه ، وبَحْره ، ومَعنَاه يَلِيْق بِنَا أن نَأتي إليْه

جَمِيْل ، وأكْثَر