مساحة لقتل الشعر (2)
 

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]آتأمل حديث النظرة الغارقة = هذي شلون تاسعها حدود الورق

آه يا ألهام وإنتي غضّةٍ شارقة= مثل غصن يتساقط من نداه العرق

مرّت بجول غيد وكانت الفارقة = بينهن .. كل شيٍ في حلاها فرق

أيُها العير إنّ بركبكم سارقة = فتّشوا وأخبروني ماجزا من سرق

قلب من كم سنة ما مرّته طارقة = ممحلٍ شاف في خدّ السما ما برق

بتبع الوسم ما هدّه ولا أفارقه = بـ / شربك .. بـ / شربك .. والله لو آغرق[/poem]

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
مو كل جرح تقابله بإبتسامه = الناس تسرف بالخطا لا تبسمت

لو كل واحد عارفٍ وش مقامه = ما طارت أسراب العصافير لا حمت

يا كثر في صمتك حديث وملامه = لكنّ وش يعرّف هل الحكي للصمت

كلٍ على قدّه يفصّل كلامه = وأنت المدى ما ياسعك لا تكلّمت

قل للوجيه الراحلة بالسلامه = والله ما يسوون ضيقك إليا شمت

أنت السما وأهداب عينك غمامه = ما ضرّك إن طاح المطر لا تألّمت

يشبهك شطر لعايض ولك مرامه = ( أنا بعيد إن طحت وأبعد إليا قمت )

حزنك يشابه له هديل الحمامه = وإقفايتك في صمت وإقبالك بصمت [/poem]

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
هنا .. هنا .. يا عاشق الشعر بيموت = نبضي ويرتاح الورق والمحابر

ملّيت أشوف العمر قدّامي يفوت = لحظة بلحظة وأتجلّد وصابر

لا عزّ وصل ولا بلغ منّي الصوت = لا حلم لا رجوى على ما أنت خابر

بعضي شعر وأغلب حكاياتي سكوت = مثل الكريم أمرّ في صمت عابر

ما غيّر أجمّع لليتاما بعض قوت = ما سدّ جوع أفواههم بس آكابر

واللي ورث علمٍ يورّده للموت = معدم يزاحم في عطاه الأكابر [/poem]

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]تحسبين الجبل مرتاح =وهو واقف على حيله

وربي يحسد اللي طاح =إذا حصّل من يشيله

بلاش تقلّبين جراح =أنا محتاج لي ليلة

تكون مطرزّة أفراح =ولا لي حزن إغني له

ولا اسأل عن حبيبٍ راح=ولا صاحب ولا نيله

لوحدي يكفي اللي راح=لحالي بس تعليلة [/poem]

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]العذر دلوك وصدري بير = أغرف وصدّر مع العالم

لو كنت بعيون قلبي غير = غيرك بعد غير ويوالم [/poem]

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]كانك نويت الفراق الله يسهلّك = ما أنت أول اللي يروح ولا أنت بالتالي
لا تفكّر إنّي بجيك ولا يخيّلك = ياكثر قبلك نسيت وشلت من بالي[/poem]

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]السوالف تجر فبعضها ياعلي=وأول الليل ماهو ياعلي بأخره
كن حزني على حزن الخلايق ولي =وكنّي لكل لحظات الفرح ذاخره
شاعرٍ لو خلت دنياي ماني خلي=ضحكتي للزمان أحسها ساخرة
وأخري لو قدر ينصفني من أوّلي = ما تعلّقت ذنبٍ يرجي الأخره
المدى بحر وأخر ما ذكرته هلي = قبل تبحر على الـ / لا وجهة الباخره
أتهادى على حدّ السهر ممتلي =والمواني بأحاديث الوجع زاخره
كان هالليل يابن الناس به مقتلي = بـ / آتخيّر لحزني موتةٍ فاخره [/poem]

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] كم كلمةٍ ماتت بصدري ولا قلتها = وكم دمعةٍ من ورى الأهداب مسجونة

وكم ضيقةٍ خالجت روحي تجملتها = حتى تعدّت وهي للصبر ممنونة

ياصاحبي خلّ عنك الناس وأسألتها = الناس تبغى ورى صدرك ومكنونه

الناس مهما تواضعت وتحملتها = خناجرٍ للحديث الغث مسنونة [/poem]