%%% مشــــــاريب الضمــــــى %%%
 

السلام عليكم ورحمة الله وبركاته

آخر ماكتبت

اتمنى ان تحوز على رضاكم


[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مريت بحياض الهلاك الذوابيــــــــــــــح=اول مشاريب الضمى هلك واتــــــــــلاه

راعيت لحياضه وبعدت لا اطيــــــــــــح=الموت قدامي يكشر ثنايـــــــــــــــــــاه

زرته بحالي والسوابح سوابيــــــــــــح=حسبي على اللي جابها ثــــــــــم وداه

وقفت بين الخوف ومعانق الريـــــــــح=ورجل(ن ) ورا الجمره ورجل (ن ) توطـــاه

يدفعني الجارح قلوب المجاريــــــــــح=والفاقد الي ناقل (ن ) داه بــــــــــــرداه

لين استباحتني هجوس سواريــــــح=السارحه عند اثمن الروس واغـــــــــلاه

منها مشيت وجيت جو(ن ) صحاصيح=وصفحه فتحناها وصفحه طوينــــــــــــاه

سجلت با الصفحه من الحس تصريح=عل وعسى من ناش الاحساس يقــــراه

اما يجي رغبه ويرتاح ويريـــــــــــــح=والا يروح وروحة مقيط ورشــــــــــــــــاه

ما ينشرب هيل الاحاسيس با الشيح=لو جاب فنجاله وساقه بيمنـــــــــــــــاه[/poem]

وسلامتكم

أصَالَة ُ الشّعر تَسْتَوطِنُك

نَص رَحْب ، ومُضِيء

دُمْت بِخَيْر

اخي العزيز حسين العوالي

اشكرك على المرور وعلى الشعور الطيب وعلى الاجتهاد ...

با النسبه للبيت اخي العزيز فنحن هنا بمقام الشعر الشعبي وليس الفصيح واللهجات تحكم المفرده وتصيغها

ولعلمك عند كثيرا من القبائل الالف لا تضاف على الها فمثلا احد الشعرا يقول .

بديت في بدع القوافي من الراس ## وهذي قصيده با الضياغم كتبناه

الي لهم في عالي المجد مرواس ## روس المعالي با الفخر وصلو اعلاه


ولم يقل قصيده كتبناها علما ان القصيده مؤنث


تحيتي لك من القلب