منتديات أبعاد أدبية - .. ظِفـْر الوِلـَه ..

/

غياب يـُقحمنا بتفاصيل متعبة ..يفحم الرّوح فتنوح ..

http://f9wl.com/up/uploads/ab28366990.jpg

نـِشـَب ظـِفـْر الولـَه بـَالروح من عامـين
وأدمى خـافـق ٍ راضي بــِمـا كــانـِـه

فـِتـح طـاقه على شوق ٍ طـِوتـْه سـْـنين
وأحـْـيـا روح مـامـاتـَت عـلى شانـِـه

تـِغنـّى بـالهوى واسـْتـَلّ دمـْع العـيـن
رفا شـْـقـوق الجروح بـْخيط تـِحـنانـِـه

ودار العـُمـْر والفـَرقى تـِهـدّ الـبـِيــْن
تـِزَيـّن لـِه عـلى وْسـاد المـِدى خانـِـه

تـِفـَرّقـْنـا كـَأن عـُمْر الـلقـا يوميـن
وشـَدّ الـغـيـم بـِـرْحالـِه وأيـْمـانـِـه

توسّدت الصّبـْر رُغـْـم العـَـنـا يـِرْديـن
تـِصنـّعت الـفـرح بـْـعـيون وسنانـِـه

تـِساءلـْت بـْـقـهر بـَعديـن وش بـَعدين
أجـَل ذاك الـوَعـَـد ماعـَدّه لــْسانـِـه

رضيت الحـال بَـحـْوالـِه بـِزين وشـِيـن
وعـَدّيـْـتـَه / تـَعـَدّت والـرّضا دانـِـه

ورحْت آجـول بـَايــّامٍ غـذاهـا حِـيـن
غـُصون الـذاكـِره مالــَت بأفـْنـانـِـه

بِـيوت الطـّيـن تذكرنا بـيـوت الطـّيـن
أو إنّ البــِيـن فــَرّق كـِـلّ سكّانـِـه

مِـصير الوقت يـِمـْضِينا وهـُم نـاسـيـن
وتـَمـضي اسـنـين والـرّحـمـن ديّانــَه

مصيـبه كان نـَنْساهـُم وُهـُم حـَيـّيـن
أجَـل من مات مايـِشـْره لـِنـسيـانـِـه

أبـَنـْـثـِر ذاكـِرة حَرفي لـُهم تـَدويـن
وبـَكـْتب شـِعْر والتـّذكـار عـِنوانـِـه

وبـَغـْرس بالـمـَحاجـِر صورة ٍ تحـْيـين
إذا غـال الـغِـياب الـكون بـِعنـانـِـه

واذا ماكِنـْت لـِحْجـاج الحـَبـايِـب عين
مـِدا بـَعض العيون تـْعيش عَمـيـانـِـه

واذا قـَلـْب المـَحبـّه يـِفـتقر شيـّيـن
وفـا وايـثـار يـَدمَح كـِلّ مـاشانـِـه

تـَحَمـّل تـَطلِب اللقـْيا وَنا مـْن الْحيـن
طـِويت حـْبـال جوفي وبـِتّ بـَردانـِـه

شكراً جزيلاً للغالية بسمه آل جابر على التصميم الرائع

لكم باقَ دعواتي

/