الليـــله الظــلمى
 

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]فى ليلـة ظلمـى تخافـق بروقهـا=جالس ونفسـى كـل هـم يسوقهـا
هـم يوديـهـا وهــم يجيبـهـا=وهم على لقيـا الحبايـب يشوقهـا
بالغربـه اللـى ماتسلـى ليالـهـا=ماغير اطفـى بالزقايـر حروقهـا
لو لاي ادله خاطرى فى قصايـدى=مبطى وروحى ذابـلات عروقهـا
احـن لديـره واحـن المقامـهـا=شمس يضـوى بالليالـى شروقهـا
لوغبت عنها وسـط قلبـى مكانهـا=وعن غيرها تكبر بعينـى فروقهـا
اقضى ايامى علـى نـار حارقـه=وجـروح قلبـى كايـدات فتوقهـا
متى على الله التقـى مـع حبايبـى=لاطالت الغربـه تـرا قـل ذوقهـا
مليت من طـول الليالـى وحزنهـا=ووسادة الغربـه وعينـى وموقهـا
(لندن) هواها مايحـرك مشاعـرى=ولاشاق قلبى فى سماهـا بروقهـا
لابردهـا قـادر يطفـى حرايقـى=ولاموسعه صدرى الشوارع وسوقها
اثر الوطـن كلمـه لذيـذ طعمهـا=حلاوتـه كـل ماانتغـرب نذوقهـا
حتى النخل لامن تخلت عن ارضها=يبست على صفر الجرايد عذوقهـا
وانا مايغنينى عن تـراب موطنـى=الارض واللى من تحتهـا وفوقهـا
الله يصبرنى علـى طـول غيبتـى=والليله الظلمى على حـر شوقهـا
[/poem]

هَذا البَحر ُ رَكِبنَاه بِهذا النص وأنِسْنَا

مجبِل

مِن البَحْر لِسَاحِله لَك الشُكْر والحُب

مُمْتِع

مجبل الديحاني

نص لايليق الا بالعمالقـه ,, عزف ونزف على المفرده يجعل القاري يتأمل في صياغة هذه الباذخه بكل اعجاب ودهشه

ومن الطروق التي قلما اجدها في العديد من المنتديات لقلة اتقان الكثير من الشعراء لهذا الطرق بتمكن ..

طبت يامجبل وطاب فالك ,,

دمت ودام هذا التألق

احترامي ومودتي

محمد الغشام

الف شكر لك

على هذا الحضور الرائع

شرفت بمرورك

مودتى

الغالى نومان سحل

تشرفت بمرورك الكريم

الف شكر لك