زاد التـــــطاول...........؟
 

[poem=font="arabic transparent,6,red,normal,italic" bkcolor="transparent" bkimage="" border="double,4,black" type=1 line=1 align=center use=sp num="0,black"]
الليل روّح وبان الصبح في نوره=وأنا من الحزن والآهات سهراني

ياهاجس الشعر هات القاف وبحوره=بنثر حروف القصايد غبن وأحزاني

ياهاجس الشعر مبطي ماخذ الدوره=في وزن الابيات لين تّشيب قيفاني

الضيم خيّم وبان بكل منشوره=وحديدنا من كثر ماطِق حمياني

الذل كلن يشوفه صوت مع صوره=الوضع مكشوف للقاصي ولداني

الارض تمشي شوي شوي بالدوره=وكواكب العز نوره مابعد باني

ابيوت تهدم والاخرى خوف مهجوره=والارض دمان والاجواء دخاني

العجز تنخى وتبكي حيل مذعوره=وحنا على الصوت لو هو طال صقهاني

زاد التطاول علينا وزادت قبوره=وأطفالنا موّتت بيدين عدواني

بقول لي كلمةٍ لو قيل مخطوره=لاكن تراخي العرب بالحيل بكاني

الاسلحه هي علينا بس محضوره=ولاّ عشان السلام نعيش عمياني

الوقت اثر علينا حيل بحروره=والجرح مابين شبعانٍ وجيعاني

الناس للمصلحه تركض ومسعوره=وكرامة النفس تدعس قدم الاعياني

إن قلت تبغى تعيش الناس معذوره=اقول موت الشريف يعمّر اوطاني

لابد يومٍ يجي لو طوّل حضوره=ويموت ليلٍ غشاه هموم واحزاني

وتبين بسمة صباح وصوت عصفوره=وتنبت زهور الفرح من غر الامزاني[/poem]

مرحبا يا محمد :

كان صوت الأمل في البيت الأخير

جدول ماء عثرت به أقدام العطشان دون توجس مسبق

صباحك شعر يالسمي

جميل

حضور شاهق المعالم

دمت بهذا الهطول

محمد بن طواله
،،
،
قرأت هذ النص بشجاعة الترحيب
وشغف الانتظار للمزيد من امطارك العذبة


دمت بكل الخير