العمر محتاج لـ أماني !
 

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أذكرك مع صدح فيروز الأغاني=مع بداية عامنا ويش الجديد ؟

شوق ، وغياب ، وكسل مشي الثواني=وانتظار الباب ساعين البريد

انتظرتك .. لين برد المـا كواني=انتظرت بفارغ أحزاني .. وحيد

والليالي شمعها ذاب .. وبكاني=من كثر ما استرجع الذكرى واعيد

كل ما شوقي لشبّاكك خذاني=ردني عن شوفك السور الحديد

مرّ عيد .. ولا وصلت ، ومرّ ثاني=وانت تعرف ويش معنى ( يمرّ عيد )

ماني مغيّر مع الفرقى مكاني=لنّـي أدري بك تجي لـوّك بعيد

صاحبي .. لك كل شكري وامتناني=اعتبرني ميّـت احساس وبليد

لا اتّعذر ؛ والعذر غيّـر معاني=لا تذرّ الملح في جرحي التليد

يخت أمانينا هجر حضن المواني=ظنّـك ان مرّ العمر نقدر نصيـد !

صاحبي .. والعمر محتاج لأماني=لاجل تحيا وانت واعي ما تريد

وانت امانيّي ، وتفسير الأغاني=وانت حلمي ، وانت تبرير القصيد

وانت قنديلي إذا همّي غشاني=والفرح لحضورك الباهي وليد

خلّني .. لا جيت ابـ اغرق بك عشاني=لا تنجّيني من الموت السعيد !![/poem]
[

وانت امانيّـي ، وتفسيـر الأغانـي
....................وانت حلمي ، وانت تبريـر القصيـد
وانـت قنديلـي إذا همّـي غشانـي
.....................والفـرح لحضـورك الباهـي وليـد
خلّني .. لا جيت ابـاغرق بك عشاني
..................لا تنجّيني مـن المـوت السعيـد !!




سيدى الفاضل أحمد

قصيدة رائعة .. كلمات تسبح فوق السطور
بكل عذوبة ورقى .. عزف يمس أوتار القلب

بصدق سعدت جداَ هنا
دمت ودام مداد قلمك

تقبل مرورى واحترامى

الحمدلله على سلامتك
،،
،
جيت ومعك الشفاعه..!

احمد التيمان

شكرا لك من القلب

الشعر لا يجيد معك إلا الإنصياع لك

أحمد دهيم
مدرسة شعرية ديوانكم فكيف بك وأنت أحد أعمدته
صح لسانك وفكرك

http://ro7elb7r.jeeran.com/ثَغْرٍ%20الوٍُرٍٍدِ.gif