منتديات أبعاد أدبية - تـلوّن الحواس : تقاطع الحاسة مع اللون

http://www.ab33ad.com/vb/images/frames/14_cur.gif http://www.ab33ad.com/vb/images/frames/14_cul.gif

يابـيـاض النظر..والـمـدى مستطـيـل

لــو تـربـع بشوفي..علتي..بـوجـعـي

والنظر حلمٍ ابيض في عيون الاصيل

والبيـاض آصلـه ..وانتهـي بـه معـي

دامنـي ماخزلـت مـن الكثيـر القلـيـل

وقبل شوفي يتعـدى بـي خـط اصبعـي

كيف احقـق منايـه فـغايـة المستحيـل

وكيف عاقل وعى..بعد عمر الوعـي

والعيـون بمداهـا مالـقـت بالحصـيـل

كيف والشوف يدعى..والمدى يدّعي

0

والعما تفسير واحد

للبياض اللي

فقد روحه ....وغاب

والسراب

نفس المراحل
بالغياب
ياشوفي اللي مالقى حيله
الا..وبها..احتال
وكاان السهر خلخال..ياحليله
ودايم على هالحال
مثل طينٍ قبل ادم مهتدي
وكان العمر يمشي
ومابقى بي الا عيوني
واخر التاريخ
اول الجغرافيا
رمشي
و..آعدي
من الهدى يارب
لدروب الظلال
واطيح من عرشي

واقول

اه ياشـوفـي عمايه..ووجـعـي

ومابقى بعيونـي الاملـح خيـل

دامني..ادفن ..بياضي بطمعي

كيف ينشأ من عناويني سبيل

يابياضي ..قبـل نحتاج..لنعـي

مانفينـا ..ظلنا..قبـل ..المقيـل

المدى مايخفقه..جاحد...دعي

المدى ..لاكفّ..بذراعه طويل

..............

كل ماتسمع

ماودك تستمع لاخبار

مافيها من الاخبار

الا (أخ) و) بار)

كيـف بـار الاخ بعيـون الاخــوه

بالله قـولــو كــيــف بــــار الاخ؟

اذا الضعـيـف اسـطـورةٍ للـقـوه

واذا الحيـاة الموت..ويـن الفـخ؟

ياصـاحـبـي لاتفـتـقـد ..لـمــروه

والـعـاقـل ليا جـن..يـفـقـد مــــخ

تو اسوداد السمع بالباقين.. توه

هاكم معي البارود..واوحـي طـخ

لافقدت اذنك

فقدت اخر سوالف تشتهيها
وانت فيها
ومات السواد بلحظة

طيش وسمع

مفقود غايب .. كل مابه يستمع لاطـرش

ياطـول ماتـخـرس بـنـا كلماتـنـا ولـسـان

السواد

السمع

نفس الشمع
شوفوا وشلون احترق
اسود

بنور

....................

اخضر الليمون

يسكنّي
وتلاشى
بالحموضه
....شي
والله غصب عني
واتحاشى ...بكل مافيني
اذوقه
واذكر اني
قلت هالدنيا
لبستني...عاشق ن
موذيه شوقه
بالجنون
بين تاريخ القديم
وحس موضه
بالصميم
وقالوا المجنون
يسرق......من تباريح العقل
لا مرّ ..نوضه
هالخيال اللي غفت
فيه المزون
واطعم الليمون

ياسااااااامعيني.....يمون

ياخضر الليمون.. تكفا لاتسافـر

ولاتذوقني.. معك طعـم المسافـه

اخضري مؤمن وفيني طعم كافـر

يوم انا خوفت حولي..صرت اخافه

آآه ولساني مدى..والفم ..حافـر

وماتذوقني الحقيقه..الا ..خرافـه

ياخضر الجيعان ذقني..وان تنافر

ماحتواني...ماعلى الدنيا حسااافه

.............

من تلمس الازرق

ايديه
.
.
يتيــــــيه ... من تلمس الازرق
يديه
اخره
لابد يغرق
يغرق
.
يغرق
وماكان يتمادى........ ويبيه
الليل...والعاشق...ومايحرق
حتى الافق ازرق ..... وآفاقنا..زرقااا
ماعاد بي يفرق 00000 بعد اللقا..فرقاا

والبحر ازرق.. بعد
وليا لمسته......ملح
قلت المسه:
واستانسه
وااوقد
وكل المواني.... طلح
والنار لاشبت
لهبها يابحر ازرق
وماتحترق
الا باصابع
الا فـ حرب
من يدين الظلم
نابع
كيف ياهذي الكفوف

تلامسين ... الصلح

آآه.. يـابـعـد السما..واللمـس..عـاصـي

والبـحـر لامتـد..كـنـه ازرق الـفـيـروز

كيـف اتوب..وكيـف يثـأر لي..قصـاصـي

والخسارة..احيان افضـل نشـوه مـن الفـوز

..............

ايه..شِم الورد..بـ ( ردون ) الربيع

وخل الاحمر(بشت) زهر الديدحان

ايه..شم العطر..وحاول به تضيع

وفي ضياعك..دلّك الاحمر مكان

خل الاحمر يشرب حدود الصقيع

ويحترق بانفاسك..وتدفى ..حنان

هذا دمي ..كل ماقلت..استطيـع

أنزفه...ينزفني..لافـات الاواااان

وكل مافات
انتظرته
قبل يتنفس مكاني
من رحيق
من الشتات
من الشتاااااااااااااااااات
ابغى المه
واستفيق
ودي اشمه...... وكيف يمديني اخمه
والورد...لامنه حكاا
مثل السكات
يمر باحساسك
رقيق

والورد..لامرّ..يكفـيـنـي

عطره..لياعانق انفاسـي

ولامن سكن..في شراييني

اختال..في مرهف احساسي

الاحمر اللـي بـتلاوينـي

زاهي على اوراق كراسـي

ارسم على الوردة..يدينـي

ورحيقها..يشربه كاااسـي

مـادام ليلي..عناويـنـي

ودرب السهر يقعده راسي

حـرام ماغمـض بعينـي

والنوم مايشهق انعاسـي

http://www.ab33ad.com/vb/images/frames/14_cdr.gif http://www.ab33ad.com/vb/images/frames/14_cdl.gif