بحور القصــيد
 

[poem="font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""].
في غبّة ابحور القصيد اللي يهيم ابها الخيال=أبحرت وهمومي نديمي .. والهواجس مركبي
أبحرت والنيّه جنوب .. وهبّة ارياحي شمال=أبحرت ودموع الوداع اللي جبرني تسكبي
أبحرت من فرقى وليفٍ يحسده بدر الكمال=عينه مثل عين المها .. وجيده مثل جيد الظبي
ماينقصه عند التحقّق لاكمال ولا جمال=كنّه مخيّر يوم خلقه وش يحب ووش يبي
لولاه يستاهل غلا أهل التغلّي والدّلال=ماقمت اصفّق في يديني لا ذكرته واندبي
يامتلفٍ وهو الضعيف اقلوب عزمين الرجال=وش بك تلذّذ في عذاباتي .. وتهنا بتعبي
لا طايلٍ عمرك بها .. ولا محصّل راس مال=غير النّدامه والحزن اللي يصيبك بسببي
قلبي على لاماك صاير كنّه الجرف الهيال=لا ذعذعت منّك هبوبٍ بالمشاريه يهبي
مشتاق لك شوق الغريب لديرته عقب ارتحال=مرّت عليه سنين عايش عيشة الفاقه صبي
ناحيه عن موطن هله ضيم الدّهر مع قلّ حال=ملفاه بالكربه وبي .. مسراه بالغربه وبي
لاهفهفت نفسه على نُود التلاقي والوصال=شفته على رجم الأمل معظم نهاره محتبي
انا دخيلك من غيابٍ عذّب الخافق وطال=كنّه مضاليل الجبال اللي توطّت منكبي
ماعاد باقي بي صبر .. ماعاد باقي بي احتمال=كلّتْ خطا عزمي .. وعوّم في عيوني مذهبي
أوّاه لو هبّت رخا .. عقب القسا .. سود الليال=أوّاه لو بيّن صباحك يالغضي من مغربي
هي امنيه لو انّها عندي مثل وصف المحال=الاّ انّها ماهي على ربي تراها تصعبي
سبحان ملاّك الخليقه .. منشي السحب الثقال=ناصر على فرعونها واهل الطّغى موسى النّبي
شاحتبي هموم الزمان لوجهتك ياذا الجلال=وجيتك على كفّي رجايه ياكريم ومطلبي
أمرك يسهّلها علي لو هي تحت ردم الجبال=لو قامت جيوش الشقا قدمي تعسكر .. وتعبي[/poem]
.
.

ياسلام ياسلام

ياخالد جزل ومبدع


يالشمري


ولا لا بس ربعنا اللي نعرفهم الوقيت


شمامره ونعم وانت ونعم منين ماكنت

ولاتهون باقي القبايل


على العموم


صح السانك عدد ماقيلت

يالمبدع


ويعين الله:)


اخوك مشعل

.