ياللي فراقك من كبار المصايب
 

سعد سيف يطالبني بالشعر حتى في رمضان وبالقوه الجبريه وهاأنا أوافق مرغماً (وأنا بوجه قايد الحربي)ولكن أين سيفك ياسعد من المتمرد عمري الرحيّل فصاحبي أبوعمر مواعيده مواعيد عرقوب
ــــــــــــــــــــــــــــــــــ
[poem=font="traditional arabic,7,white,normal,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
ماهي بصعبه(فَقْـد) ربـع وقرايـب=الموت كل الموت هو(فَقْـد) محبـوب
هـذاك فغيابـه تشـوف العجايـب=همّ،وغثابال،ونـزاعـات،وحـروب
واوجاع،واحزان،وجروح،وطلايـب=وحرقه،وضيقة بال،والدمع مسكـوب
وياللي مسوي بي فراقـك مصايـب=خليتني في سكـة الوجـد منكـوب
وتركت صدرٍ ي من ضنا الشوق ذايب=والضيقْ فتّح بـه مسـارات ودروب
وتركـت خفّاقـي يسـدد ضرايـب=وعلى عمود اقداري السود مصلـوب
وتركتنـي كلّـي مشـرّد وسايـب=أمشي على جمـرة مقـدّر ومكتـوب
ودام الرجا في فزعة الوقـت خايـب=جسمي يبي يبقى على الشوك مسحوب
واحيا بغربـه فـي زمـان الغرايـب=ووجه الزمن فعيون الاغراب مقلـوب
واموت لاَ شافـت عيونـي حبايـب=تبادلوا كاسٍ به الوصـل مسكـوب
هنـا تولّـع فـي ضلوعـي لهايـب=ثم احترق شمعه مـن الشـوق واذوب
واصـرخ بصـوتٍ بَعْثَرَتْـه الهبايـب=صداه في صوب ومسامعك في صـوب
فَقْدَكْ مشيّب بـي ولاَنِـي بشايـب=والبعد ينتج شيـب ويفطّـر قلـوب
ومع كل هـذا عنـك مانـي بتايـب=رغم ان حبّك ويل واهـات وذنـوب
شوفـي جفافـي وارحمـي ياسحايـب=غصن ٍ على تربة ظمى الشوق منصوب
ماشربت ارواقه مطر وانـت غايـب=كنّه جسد يامْعَذِبِـي والظمـى ثـوب
أمّـا علـى دربـي تـردّ الركايـب=وافرح بشوفك فرح يوسف بيعقـوب
ولاّ احفري قبـري وحطّـي نصايـب=موتي لي ارحم مـن مواعيدعرقـوب

[/poem]

عبدالله

إنهمارك هنا يحيى القلوب المتعطشة للشعر العذب الجميل ..

شكراً لك بلا عدد

.

.

.

[ عبدالله سماح المجلاد ] ../ شاسعٌ هُو شِّعرك كَ سماء مُمتّدة ..
تُبسط يدك فيتساقط المطر كلّه ..تقبضها ف تجفّ الأرض ..ولايبقى الا العُشب مُتهالكٌ فِي بُكاء
/ شُكراً لكرمك ..ولِضوءك الباقي أبداً ,

http://www.qamat.net/vb/images/smilies/a36.gif

.

.

.

يا سلام يا عبدالله

وعلى هذا الغياب الذي استفز فيك بحر الشعر الغزير لتروينا شعرا


لك الشكر على هذا الكرم