|
الـمــفــخــــــــرة
(( ــــــــــ)) اتضيق بي دنياي لا شفت فتّان .................ينهش لحم ربعه وهو ضيق العين ياشين من بهْ عيب مخـزي ونقصـان .................ويعـيـب ناس ٍ ما بهــم نـقصن يْشين واللي يعل القلب وايزيده احزان ................. إنك ترى لـ اقـرب قــرايبـك وجـهـيـن يبدي لك الوجه الحسن كل ما بان .................وان غاب عن عينك ظهـر وجهه الشين والكلمه اللي تاصَـلـَك دون حسـبان .................تذبحْـك لا جاتك من اشـخاص غالين يا جـود بعض الناس بالعيش والضـان .................لكـنهـم في حـفـظ الالسن بخـيـليـن حسـبي علـيـك الله يا قاصر الشـان .................اخرجـتني عن حسبتي دون تـثـميـن واخـزيتني بمْفـاخـرِك حـيل يالـدّان .................وانا مجـرّد شخص مخـلوق من طـين وش حاجتي للمفـخره عند الايمان .................لا صرت من فضل الولي صافي الـدين لا مفخره بالشعر واتقان الاوزان ................. المفخره بالدين..والحـلم .. واللين والرابعه لا صرت من بين الاقران ................. مثل الملك بين الخـدم والمساكين الله يسـامح طعـنِـتك جـاتـني هان .................و الله يبـيـحـك كلِّ ما زدتـنـي بيـن ماني من اللي ينـتـقـم كود باحســان ................. امْحـبـتي للـعـفــوِ ما فوقـهـا شـيـن لو يعلم احبـابي ..وربعي .. والاخوان .................وش كـثـْر احب العفوِ واشتاق له حين ما كان جـوني غير بطْعون واضـغـان .................ولا ارتجـوا وصـلي سوى بالسكاكين من كثْر ما حب العفـُوْ حبٍّ اضـنان .................صرت اعتـقـد مالي جــزا فيه بعدين مانيب من يشره على فـلان وفـلان ................. ولا من اللـي يزعـلـونـه مـفـاتيـن لو الـزعـل ثـوب ٍ عن الـعـار ياقــان .................عـرّيت نفسي ما تركـتـه يـوقـّـين ادمح.. واداري شر من فيه عـدوان ................. بس لا غضـبت.. اجعل عـدوّي يدارين لا أملك إلا أن اعتذر عن تقصير التام وغيابي المتقطع |
صالح
صباح الخير بكل صدق هذا النص وصل للعمق نص جميل جدا برغم ألمه محبتي |
صالح الحمود .. تُسقِطُ مساحَة الجَمال في أيدينا نصٌّ محمومٌ بـ اعتدادٍ عذبٍ بالذات رغم سربال الوجع الـ يعتليه وغمامةٌ حُبلى بـ لذيذ الحرف ../ تشفع لك الغياب شُكراً وأكثر . . |
واللي يعل القلب وايزيده احزان
................. إنك ترى لـ اقـرب قــرايبـك وجـهـيـن صدقت ياصالح صح لسانك كل التقدير لهكذا فكر وشعر |
الصالح : صالح الحمود
ــــــــــــــــ * * * تأتي بالحكمة و الشعر .. فلا تترك من الإعجاب طريقاً إلاّ وآثرتَ حرفك و حِرفتك فيه حتّى اقتفينا خُطاك و عتبنا غيابك . أيّها الجميل حضوراً وشعرا .. كن هنا ، فهناك نبضٌ لك و يحبّك . |
ياحبيبي أنت ..
: للوهلة الأولى يبدو هذا النّص تقليديّاً / ميّتاً لا علاقة لَهُ بالشِّعر . خُصوصاً من ناحيَة بَحرُهُ و قافيتُهُ المُستهلكة للثمالة [ ان ، ين ] ! ولكن بمجَرّد الاسترسال بقراءته / يتأكّد القارئ من بُطلان كُلّ ذلك . فقد استطاع الشّاعر أن يُقَدّم لنا المُعشِب رغم الصحراء القاحلة . ألف شُكر للأصابع والتجربة . |
,’
{.. صالح الحمود تحظر كالمطر لتنهمر بالابداع الله عليك.. صح قلبك .. |
صالح الحمود نص جميل كجمال روحك لم تقتنص الحكمه روح الشعر في نصك تماماً كما لم تنتقص كثرة السكاكين من تفاح عفوك صح قلبك ولا هنت |
| الساعة الآن 08:51 AM |
Powered by vBulletin® Copyright ©2000 - 2025, Jelsoft Enterprises Ltd.