أبي أرتـــاح !!!!
 

الشعر : هو الوحيد القادر على إتعابنا لإراحتنا

.............................................

جسد هذا الورق عاري .. وأنا فيني قصيد ..

يشابه غيابك .. تعال إسمع !!!

نسيت وجابك الطاري .. وأنا ساري .. وحيد أجمع !!!

بقايا مابقى فالبال من ذكرى .. ومن طاري ..

عساي أرتاح !!!

تعال إسمع ..

بغنيلك ..عساي أرتاح !!!

( فراشه أوعدت زهره وجت في وعدها المحدود)

وغيابي ولا يدرون ..

(هل في الحب أجمل من وفى الميعاد للموعود

هل في الحب أجمل من وفى الميعاد للموعود

وأنت يابني آدم نسيت الوعد والموعود)

.. مابين الأقواس من قصيدة الفراشه والزهره

للرائع فيصل علوي

تعال إسمع ..

بسولفلك ولا ترتاب !!!!

عن شعرٍ حبيس أدراج ..

مليان بغزل وعتاب ..

ناطر جيّة الغيّاب ..

يمكن لو يجون أرتاح !!

يمكن لو يجون أرتاح !!

وين أرتاح !!

وغيّابي بعدهم صرت أشوف الليل بحرٍ والسّهر مركب ..

وعيوني كانت الميناء .. وأنا الملاّح ..

وتبي أرتاح !!

كيف أرتاح ؟؟