ثاني متوسط .. أ .. حصة الجـُغرافيا
 

يتنهد الأستاذ من حزنه ..على الطلاب
ويلفظنا " َنَفسْ "..
من أمس في صدره
على كم باب
و
آآهاته ... بشرْ
أعمارهم كثري
وانا أثري ...
نسيت الدرس

والأستاذ يشرح شي .. روتيني
على المعتاد

بدا يكتب على اللوحة

وانا اقرى براشيم أمس في كفي
أكيد أطلع بها الأول على بصفي

وهو يكتب براشيم الوجع دايم على كفه


يبي نفهم ..!



طفش يا حصة الجغرافيا .. وأطرش على الزفة

ملل..

مثل الحدود الثابة دايم على المعتاد

وقال أستاذ

على فكرة ..

هُـنا بغداد
هنا ماللحكم داعي
هنا يعطى الملك كم تاج ..
عشان يموون !



هنا الحجاج مع هارون



بلدْ
خرّج على وجه الحياة أوغاد مع أسياد
بلدْ
يولد معا طفله "عصاة و آآه"
طفل
يولد على الدينا بدون افوآآه

وبس عيون

بلد ْ
إما يكون أعلى
وإلا أنه يكون أردى

وأمريكا ..
تحاول في البلد
يصعد على الجردى

وكان أبرز ملامح هالحضارة

موت و مزيكا

نشاز.. و راقصة مع ناس و كم آله ..
على التلفاز
بعضهم يعزف لحاله !..
على أجساد تتعرى
بعضهم منحني بخصره ..
بعضهم يمشي بعكااز
بعضهم مات في البصرة..

عرب مجنون ..

ولا كنـّه نزف مطعون

عظيم شلون يا هارون

وهيّه

آآآه
وإلا
أوووف
وإلا
أووووه

قرف تدرون

تعال نغير الموضوع

نحكي شوي عن شارون ..
هنا ماللكتب داعي ..
بلاش حدود .. هنا ماللحدود حدود
ولا منهج .. ولا واعي

هنا بس أطلق الفكر وتخيل وين

هنا لازم تكون انسان لا معقول
تعال نقول :
خيالي جدا ً وتعطي بلا منطق كذا تخمين

هنا خمسين .. عام نبل بيدينا الدما للطين

هنا غصة
هنا قصة


بطل قومي تجاوز عمره الستين ..
ومجرم حرب سابق .
قصدهم للحين ..

ولازم يوم يتحاكم ويعدم .. بحت

عشان تقول يا شيخ العروبة .. ارتحت !!
ولكن بس

لما يموووت .. ويحطونه كذا بتابوت

وينزل تحت

ويقولوا ذاك عام الفين .. وجاي تحاكموه الحين

على المعتاد

وحنّا كل يوم أذلال

ولا يبقى لجسدنا غير بس ... ظلال

و ننقص مننا عزّة

على فكرة ..

هُـنا غزّة !


بعدها بصفتحين الدرس عن لبنان

هنا محذوف

سألنا ليه..؟

قال ظروف

وقلت أحسن قبل أتعب ..
أوفـّر في يدي حاجة لشي أصعب ..
ابرشمها رياضيات

مدرس شافني راضي .. و زعل بسكات

شهق طالب ولكن وين ..
هناك بآخر الصف .. إنقتل ياسين

وانا ويّا الرياضيات
وطالب مات

يمثل إنه أستشهد

ضحك واحد على المشهد

وانا ويّا الرياضيات
مدرس شافه ولكن " بكى " بسكات

على المعتاد ..

يخلص وقت حصتنا وحنـّا... بعاااااااااااد
فهمنا شي وإلا مافهمنا عاد..

ولا تنسون يا أولاد ..
ترا مطلوب حفظ شلون .. شكل الشام مع بغداد ..
مع إيران
واذا مّرت فلسطين ارسموها اي شكل ٍ كان
وكله صح !!!
مدرس شبه حلقه انبّح

يبي نفهم !!
وحنا ما درينا شقال
وكل واحد رسم كل الخرايط .. تفرق الاشكال

ولا واحد واحد رسم في دفتره بعض الخرايط صح

و خوفك لا يجينا يوم ...
نصبح كل ابونا صح .. !




مدرس ودع ابهامه ورا كم ناب

ويلفظني نفس .. يكسر بي شفاته

على كم باب

و آآهاته بشر !!

أعمارهم كثري ..

وانا أثري ..

نسيت الدرس !!

هنا حصة جغرافيا وشعر
يأخذك إلى حيث تريد

عبدالمحسن
كتبت نص يبقى في الذاكرة طويلاً
ولن تنتهي هذه الحِصه




كن بخير
صح نبضك

الا والله براشيم الأبداع

دايم على كفّك وجبينك بعد يامبدع

صح قلبك

لاهنت

العنود شكرا ً لمرورك

صح لسانك ولاهنت

نص رائع وراقي

دمت بود

عبدالمحسن دروس ذات جرح غاير
وستاذجسدلناالتاريخ ومنعطفات بحيات العرب المئوس منها
انت ستاذي ياستاذي وتلك الاستاذ
قد يكون استشهد كماقلت اوالله يعلم
صح فكرك ونثرك
اجل التحاياومع حصص إنشالله احتفال وفرح بعودة بغداد والاقصى