شـعـرة مـعـاويـه ..!!
 

.



.



.






[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يا صاحبي بين طعم الصدق والمهزله =شعره .. وخلّك حريص لشعرة معاويه


لاتفترض أجوبه قبل أطرح الأسئله=وإلا إرم كل المبادئ في قعر حاويه


ما.. كل علمٍ إليا مني سكت أجهله=أعلم بضعفه وأعرف الجرح بالراويه


إن كان هو صعب بعيونك فـ / يا مسهله=وخليتك تعيش دور الرمز للغاويه


خلك من الـ / يمكن التفسير والأمثله=الناس ماهي بنفس الوعي متساويه


كم لي وأنا هالسواد عن البياض أعزله=وتموت الأحلام بكفوف الزمن ذاويه


متلحف الصبر لو هبّت حنين ووله=متجاهل الناس ماخذ عنّهم زاويه


ممنوع صدري سوى هذا الشعر يدهله =مجروح قلبي ولا أبغى طب ومداويه


لا ناشد الناس عن قصّه ولا مسأله =ولا سألت الليالي ويش هي ناويه


إن جابت الخير ما عفته وإذا ممحله=ما همّني كم طوتني فالزمن طاويه


والخطوه اللي بدت بالدرب تـ/بتكمله =لو كانت ذيابته من جوعها عاويه


وإلا أنت ياللي شوارب خيبتك تفتله = أشوف نفسك مع الشيطان متخاويه


من يسمعك يحسب إنك من هل المرجله=علوم هـ / الوقت مليوصه ومتلاويه


أسفْله قام يعلو وأعلاه صار أسفله =والله يعلم نفوس الناس وش ناويه


لا تحرث البال دام إن الزمن مشغله=لا أحطّك الشغل وألعن بك جدف ثاويه


مصدّ عنّك رضى لا الدّ فيك زعله =تاركك ولاّ يدي لا من بغت قاويه


أمهلت ذنبك ولا فكرت يوم أهمله =والجمر يطبخ براس الميسم الكاويه


ياغويش واللي يطيب يقال قبله هله=شدّوا عليهن ترا الليله ماهي ضاويه [/POEM]

ألــعذب
نواف

كان لي شرف السبق لمعانقة هذه الفارهه

وهذا من حسن حظي

لكن جمالها أعاقني عن التعليق عليها

فـ عذراً نواف





جوري لروحك أيها النقي

مع أني كحّلت عيني بهذا الجمال في مكان ما

ولكن لن تحرمني يا نواف بأن أكحّل عيني مرة أخرى بهذا الجمال


لك الحب يا صديقي البهي