عـمـــود اناره
 

[POEM="font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]ذاب الحديـد مـن اللهب والحـراره=وانا تحت نارك لى سنيـن ماذبـت
ونارك ماهى نار وبدت من شـراره=نارك تواقد مـن حنايـاى لاغبـت
تشربنى الوحده وانا اشـرب زقـاره=وانفخ على وجه الليالى مـن الكبـت
صرت اشبه بحزنى عمـود الانـاره=انا المضئ بعتمتى كـل ماارتبـت
روتين مزعـج واستيـاء ومـراره=واحساس غربـه لاطرالـى تعذبـت
مرات احس صدرى من الضيق حاره=ماتـوا اهلهـا والعصافيـر والنبـت
ومرات احس قلبى معك فى انكساره=مثل انكسارى بالدعا كـل ماذنبـت
انا الغريب اللى سكـن وسـط داره=وانت الوطن واشوف نفسى تغربـت
قربك خيارن لـو ملكـت اختيـاره=ماشفتنى برفـوف هجـرك ترتبـت
ضاعت معاك ايام عمـرى خسـاره=ولاغادى ويـاك شـرى ولاطبـت
كان اخر اخبـارك تجـى فـى زيـاره=ياليت تدرى يوم موعـدك وشجبـت
اذكرك قلت السبت وطـال انتظـاره=مرت على سنيـن ولامرنـى سبـت [/POEM]

ياسالم عليك يامجبل

قصيده ... تستحق الوقف امامها كثيرا

مليئه بالجمال ....

صح لسانك ولاهنت

بإنتظارك يالغالي بشووق

دم بخير