مساكم هيل ..

.

.


كبّيت من عيني يجي وزنكـ ادموع
......................... وعطيت من قلبي لكـ الصدق كلّه !

اسنين انتظركـ مهو يوم واسبوع
......................... قولّي بعد عينكـ اباعيش منلّه !

وشم الفراق بوجه الأيام مطبوع
......................... مارتحت في بعدكـ لو اقول والله !

قلبي على خبركـ لهالحين موجوع
......................... وصوت الحنين بكل الاحوال سلّه !

صوتي بعد سمعكـ غدى غصب مسموع
......................... برد الجفا يا ولد الأجواد شلّه !

تعال بحطب لكـ من ضلوعي اضلوع
......................... ودّي عدوي ان شافنا زاد غلّه !

الثلج لو انفخ كذا جمبه ايموع
......................... ويرد يتجمّع لو ايديكـ شلّه !

ودام العتب من بين الأحباب مرفوع
......................... ماظن نتفارق على أدناة زلّه !

رحم الغلا باقي ولاهو بمشلوع
......................... لو صابني بالبعد مليون علّه !

تعال وأضويلكـ من عيوني اشموع
......................... ودوكـ الخفوق بحلو الاحساس بلّه !

تعال يا رايح وعوّد لي ارجوع
......................... وارجع مثل اوّل لهالقلب ظلّه !

لكّن طلبه لا تكررها آرووع
......................... منهو بعد عينكـ أباآعيــش منلّه !



http://www.7looo.com/uploader//uploa...ccb9d8b7af.gif