منتديات أبعاد أدبية

منتديات أبعاد أدبية (https://www.ab33ad.com/vb/index.php)
-   أبعاد الشعر الشعبي (https://www.ab33ad.com/vb/forumdisplay.php?f=3)
-   -   طبطبة ! (https://www.ab33ad.com/vb/showthread.php?t=27575)

محمد علي السعيد 06-27-2011 10:52 AM

طبطبة !
 
[poem=font=",5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
.
.
.



البارحة كان ما بيني وبيني شبه=قلت انتهز فرصتي واكتبني بْدفتري
أخذتني من يميني .. قلت لي : إنتبه=الليلة ابغاك تكتب اوليّ وآخري
جاوبتني : يا ولد خلّك على ما اْنت به=سوالفك عارية ما هي بْحاجة عُري
صرخت فيني وش اللي خايفٍ تكتبه؟=خذ راحتك .. كل اقلـّي مثل بعض اكثري
شف يا أنا ما حدٍ غيرك قدرت اطلبه ..=يبوحني .. دام ما به غيري اللي دري!
أخيراً اقنعتني والدرب راح اصعبه=قلت استهلي يا زفرات الحشا وامطري
بديتني طفل يلعبني مثل ما اْلعبه=كم مرةٍ صرت (مهبول) وتعّلى ظْهري
من يومها طيبة الاطفال بي معشبة=رغم اصفرار الحنايا .. هي بقت أخضري
واصبحتني شاب حسّ المشي ما يتعبه=قال الحق المغريات الدنيوية جري
احسّني هامشي ما اْملك ولا موهبة=سجّيت عن جوهري سعياً ورى مظهري
أروح لاْبعد مدى واْلقاني فْ أقربه=أثري وقفت بْ طريق اللاوعود احتري
أبطى حضورٍ نشف دمّي وانا اْترقبه=في سوق الاحلام لا بايع ولا مشتري
هذا الجسد كثر ما هو منحرم طبطبة ..=ما مرّ يوم وهقيت اني احّسه طري!!
راح العمر ما عرفت ارداه من أطيبه=وباكر لْيا من عرفت امداه شاب شْعري

.
.
.[/poem]

محمد السالم 06-27-2011 11:51 AM

أبو هادي
ما قريت ولا بيت
ولكن لأني مستعجل وشعرك يحتاج قعدة مثل وكأسة شاي مثل ما يقال
سجلت اسمي في متصفحك
وأن شاء الله لي عودة

ميــرال 06-27-2011 01:58 PM

.
رائع هذا الحضور ورائع الشعر
مبدع واكثر

محمد البدراني 06-27-2011 03:46 PM

محمد السعيد !!
اقسم بالله يا رجل انك من الاسماء التي لا يشبهها احد !!
انت تكتب نفسك وانت من جعلت للحزن ابداع !
تكفى امانه .. سلم على قلبك !!

مرضي البلوي 06-27-2011 04:22 PM

ياجمالك ياجمالك :)

تعانق سماء الأبداع يامبدع





تحيتي لك

بندر الصقر 06-27-2011 05:23 PM

( وانا عرفت المدى من عقب شاب شعري )

والله يامحمد إن هذا النص يحكيني بشكل غريب , غريب جدا لدرجة إني إقتحمته لأجعل مني واحدا منك أنت وأنت ..

أما لغتك فنبعٌ أجاج نستسقيه فنغرق بما يجود علينا به ونخرج جميعا أكثر حياة ..
هو الشكر يا محمد ماقد يوصل لك بعضًا مما في نفسي , فكل الشكر .

صالح الشملاني 06-28-2011 03:04 AM




محمد السعيد
شكراً لـ ي انك حضرت هناء في ابعاد وأحضرت الشعر الحقيقي
شكرأً لكرمك لـ ي انسانيتك لـ ي هذا الجنون
نص مجرم لايكتبه الى شاعر كأنت
الحديث عنه والله ظلم
انسحآآآب بدهشه
واسمحلي امكث الكثير هنا واعود كثير يالصيقي : )

:2006102523424873:








ماجد العيد 06-28-2011 05:59 AM


تشكيل عجيب لـ طينة الشعر ..
سلمت يا محمد


الساعة الآن 12:31 PM

Powered by vBulletin® Copyright ©2000 - 2025, Jelsoft Enterprises Ltd.