[POEM="font="Simplified Arabic,5,white,bold,italic" bkcolor="transparent" bkimage="./images/backgrounds/63.gif" border="none,4,gray" type=1 line=0 align=center use=ex num="0,black""]على الصفحـات سطـّرنا وتبـدى رحلـة المجنـون = على جنـح الخيـال اللي يشيـل أفكـار مجنــونـه
بدينـا ياللـه الخيـره نغنـّي بالقصيـد لحـون = لأجـل طـرق (ن) يعانقنـي وأجـاذب نغمـة لحـونـه
توّلـم ياقلـم وأكتـب تـرانـي قمـت أخيـل مـزون = أخيـل أن الشعـر وبـل (ن) أشـوف بعيـني مـزونـه
مـدام أن الشعـر نـزف (ن) عسـى نـزف القلـوب يهـون = عسـى ذاك الجنـون اللـي سكنــّـي زاد بفنــونــه
نـبي نـاخـذ ونعطـي بالشعـر معنـى على المضمــون = ولابـه خيـر في شعـر (ن) يعاكـس صـدق مضمـونـه
( حـرام أنـّي لأخلـّي من قـرى نـزفـي يجـي مفتـون ) = ( حـرام أنـّي لأخلـّي كـل هالـعـالـم يغنــّـونه )
سمـا ياشعـر وأرقـى بالسمـا حـّـلق عليـك عيـون = جنـاحيـنك جـزالـة شـاعـر (ن) ينظـم علـى هـونــه
سمـا فـوق السحـاب اللـي يجـي تحتـك وهـو مغبـون = سمـا حـول الثريـّـا والــجــدي وأبغـاك من دونــه
أنـا والله لامنــّـي كتبتــك يعترينــي جنــون = نسيـت الكـل من حـولـي وعقلـي هـام بجنــونـه
أدوّر فكـرتـي وأبحـث عن الغالـي عـن المـزيـون = ( أدوّر مايمـّيزني لأجـل خفــّـاق مــزيـونــه )
لأجل أكسـب غـلاهـا وأمتلكهــا والبشـر يـدرون = لأجل لامن قـرت نـزفـي تجينـي حيـل مفتـونـه
سقـى الله قلبهـا اللـي يوم جيتــه والعـرب يحكـون = وأنـا أسمـع فـي سـوالفهـم عن اللـي ساكـن ركـونـه
سكـت ّ أسمـع سوالفـهم أبعـرف سـّرها المكنـون = أبعـرف من يبـادلهـا الغـلا والنـاس يطـرونــه
وضـاع السمـع وسـط الهـرج أبمسـك للهـروج غصـون = وتـاه الهـرج من أذنـي وألا يا ما أبعـد غصـونـه
سـألت النـاس ( ياعالـم أبعـرف مـن هـو المضنــون ) = ( تـرى مليـّت من حكـي (ن) يغـث الـروح من لـونـه )
تعبـت وتعبـت أسمـاعـي ولا أبغـي تختلـف بـي ظنـون = ولا أبغـي فكـرة الشـاعـر تضيـع بزحمــة ظنــونــه
وفجـأه كـل من حـولـي لـزم صمتـه وهـو مشطـون = وأحس بصـوت من خلفـي يحـاول يخفـي شجـونـه
وأحـس بقـرب مخلـوق (ن) أحسـّه يقتـرب بمتـون = وضـع كفـّه ( علـى المتنيــن والمتنيــن بمتـونــه )
أقـّدم خطـوتـي مـره وأراقـب بالعيـون جفـون = وطـاح الشـوف بعيـون (ن) هدبهـا روعــة جفــونــه
ورمـش (ن) لانـزل كلـه قـوي فـي سطـوتـه ملعـون = ( وأحاول أقتـرب لكـن أشـوف المـوت بعيـونـه )
أناظـر عينـه اليمنـى أشـوف السيـف لـي مسنــون = وأناظـر عينـه اليسـرى وأشـوف رمـوش مسنـونـه
وأطالع وأثرهـا بنـت (ن) تشيـل الزيـن سحـر ولـون = ولـون السحـر يازينـه تحتهـا العـرش يبنـونـه
سقـى الله صوتهـا اللـي لاسـرى يملـى فضـا هـالكـون = سمعتـه يومهـا تحكـي ( وضعـت شهـور في كونــه)
سمعـت حروفهـا غنـّت تعـزف الضـاد وأيـّا النـون = سمعـت جنونهـا نـادى : ( مــدد ياضـاد يا نـونـه)
بـدى منهـا الحكـي قالـت : ( هلابـه حيـل بـن خلـدون) = هلا يالـراوي اللـي جيــت تبغـي قلـب خلــدونـه
أذا أنـّك جيـت تسـأنـي من اللـي ممتلكهـا ركـون = تعـال وشـوف خفـّاقي من اللـي صـار مضنـونـه
تـدلل وأخذ خفـّاق (ن) عشـق شعـرك عشقـه فنـون = تـوّلم جيـت لـك بنـت (ن) عليهـا العلــم ( دنـدونـه )
أنا لـك قلـب ينبـض لـك غـلا يـوم البشـر يبغـون = بغـوا نبضـه لهـم يمشـي على الهقــوه أيتمنــونــه
أنا لـي عيـن تنظـر لـك نـظـرها يستمــد العــون = نخـى ( صـب الدمـوع ) ورد صـب الدمـع ( ياعونـه )
ملكـت الـروح يـوم الـروح تـرخـص لـك مـع المليـون = تغـلغـل حبـك بـروحـي وصـارت فيـك مشطـونـه
يعيـش الحـب لـو أن الخلايـق كلهــم يفنــون = و يبقـى حبـك بقلبـي لـو أن الخلـق ينفـــونـه
هنـا وقـّف حكيهـا وأنتفـض لأجل الحكــي دنــدون = وبـدى نظـم القصيـد اللـي بغيــت الكـل يقـرونـه
بـدى ذاك الجنـون اللـي بغيتـه يرسـم الميســون = وحيــا ذاك الخفــوق اللــي بغـى بالحـب ميسـونــه
أنـادي بإسمـها ( غـاده ) أنادي والعـرب يـوحـون = وأعلـّي بإسمهــا ( غـاده ) أبي هالنـاس يوحـونـه
يا ( غـاده ) لعنبـوا جـد الغـرام اللـي يجـي مطعـون = خـذيتـي قلـب خفـّاق (ن) هلـك يابـنت بطعـونــه
حسبتـك فـي هـوى غيـري وغيـري معتـرض لـي دون = حسبتـك ميتـّــه بعشقــه وفيـه النفـس مرهــونــه
ملكتـي كـل مافينـي وعقلـي فيــك هـو مرهــون = ( قـَـسَـم ) لـك وسـط خفـــّـاقـي مشـاعـر حـب مـدفـونـه
عشقتـك كـثر مايعشـق حـروب الدهـر ( نـابليـون ) = هويتـك كثـر مايهـوى صغيـر السـن ( بالـونـه )
أحبـك كثـر ما نكـره يهـود الأرض مـع شـارون = كثـر ما نبغـض أمريكــا تجــي فـي صـف صهيـونــه
أحبـك كثـر زخـّات المطـر يـوم البـدو يـرجـون = سحـابـة صيــف ( وسميّـــه ) ( إلــه ) الكـون يـرجـونـه
أحبـك كثـر ما ينبـت مـن التيــن ومـن الــزيتــون = كثـر نبــت الخـزامــى والنفــل واللــي يحبـّـونــه
تعالـي وأجلـسي جنبـي بغنـّي بالقصيـد لحـون = بغـّــني لـك سمـا ياشعــر حـلـّــق وأنتــي لحــونــه [/POEM]

وسـلامـتـكـم

(( مـحـمـد الـعـنـزي ))