هـاك بـوحـي ( مصافحه أولى )
 

؛

السلام عليكم ورحمة الله وبركاته

مصافحه أولى , لعلّها تستحق ان تكون " مصافحه "

[poem="font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قـال القـصـيـد وقـلـت مـثـل المـعامـيل = الـيـا تـكدر خـاطري سـقت فـنجـال
قـال الـهـوى قـلت الـهـوى والـمراسيل = دفـنـتها لـعيون خـشفٍ بـرى الـحال
قـال السـهر قـلت الـسهر مـجلس الـلـيل = ريـف الـعـيون ولـلـهـواجيس مدهال
قـال التـعب قـلت الـتعب لـه مـحـاصـيل = نـتعـب ونـلقـى عـقبـها راحـة الـبـال
قـال الـهقـاوي قـلت مثـل الهـمالـيل = هلّـت على جـال وشحّـت على جـال
قـال الـقدر قـلت بـ يديـن المـقابـيـل = ومـالي عـلى بـاب الـمقابـيل مدخـال
قـال النـوايا قـلت سـر و مـجـاهـيل = كـم مايـلٍ عدّل , وكـم عادلٍ مـال
قـال الرفـيق وقـلت مـن يوفي الكـيل = وإلا الـردي مـاله مـعي ربـع مثـقال
قـال الـمراجل وقلت بعـض الرياجـيل = رجّال لـكن مـاهو مـحسوب رجـال
قـال الجـروح وقـلت مـن كـثر ماشـيل = قـامت تـخاوي بالضمـاير وتختـال
قـال العـزايم قـلت ما تـفـتر الحـيـل = لـو طـاح مـن عـيني طـموحات وآمـال
قـال العـزا قـلت العـزا لـه مداهـيل = بقلبٍ تـهاوى الـيوم مـن كـثر مـاشـال
قـال أصـبر إن كـانك لـقيـت البـهاذيل = ولا بـد تـلقى مـن ورى صـبرك آمال
قـلت الـصبر لهـل الـقلوب المـغالـيل = كـاسٍ مـن الحنظل وانـا بـ أشهب الـلال
عطـيتك أسـراري وخـل الـتفاصـيـل = جـاوبت لـك بـ إحـسـاس شـاعر ورحّال
الـلـيل لـه عـزف وقصـيد ومـواويـل = وعـزفت لـلك معزوفةٍ " صمـتها طـال [/poem]

قـال السـهر قـلت الـسهر مـجلس الـلـيل
ــــ ريـف الـعـيون ولـلـهـواجيس مدهال

محمد الماجد
اهلاً وسهلاً بوجودك الرائع
قصيده كــ سماءنا تحتظن الغيم
ودافئه

قال الهقاوي قلت مثل الهماليل
________ هلَّت على جال و شحَّت على جال

وصف عجيب و موغل بالشعر
خبرة بارزة و موهبة مطبوعة بهذا النص ..
شعر جزل لأبعد حدود الإدارك .. فألف شكرا ً لك و عليك يا محمد
سعداء جداً بإنظمام الشعر إلينا .. وسعيد بتواجدي هُنا
حيّاك الله بأبعاد الشعر و الوعي
أخوك
.
.
ناصر العنزي