|
خلاص ماني شاعرك؟!
لصباح قلوبكم البهيه، : : : خلاص ماني شاعرك؟! ولا أنا.. ترَف فساتينك..ولا .. كحل الفرح لا سولفت محاجرك؟! ولا.. أنا روجك ولا.. تسريحة "الشنيون" ولا.. سحر المناكير بطرف أظافرك؟! خلاص ماني شاعرك؟! ولا أنا عطرك..ولا.. أنا البخور .. اللي احترق.. على جمر مباخرك؟! ولا قمر ليلك ..ولا.. شمس النهار.. ولا الورود "بفازتك".. ولا الشبابيك اللي تفتح الصباح على مداين ضحكتك ولا النجوم اللي المسا تعيش عشان تساهرك؟! خلاص ماني شاعرك؟! ولا خلاص أقدر.. أقولك واكتبك ولا أعرْف.. أرسم سواحل أوّلك ولا الزّراق بآخرك؟! ولا أنا مثل قبل أقدر أقول تفاصيلك على ماتشتهين أو يشتهي فيك الغرور وأحاصرك؟! ولا أنا ذاك اللي يجبر لك عزاك كلما تحسين الزمن قسى عليك.. وكاسرك؟! خلاص عفتيني خلاص؟! ماعدت أنا شاعر هواك؟! ولا أنا ذاك الحبيب اللي تعب يجمع شذى.. بيادرك؟! أنا قضيت عمري أحس إني انخلقت عشان بس أكتب هواك واخلي كل غيمة شعر.. لو هي بعيده..تقاصرك! أنا انخلقت.. عشانك إنتي ياهواي أحاول أرسم لو بعض .. ملامحك ولاّ بعض عبير ايديك ولاّ سكاكر بسمتك ولاّ خزامى ماطرك أنا انخلقت عشان بس.. أخلدّك ويبقى الزمن مهما نسى ومهما تناسى.. فاكرك إذا خلاص ماني حبيبك .. شاعرك قوليلي بس .. شقدر أسوي من غيرك بقايا هالعمر وشلون أعيش من غير .. ماقولك شعر يفرّحك وتحفظينه في دفا.. دفاترك؟! تكفين خليني أعيش لو بالوهم وأصدّق إني ..شاعرك!!! |
[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]خلاص ماني شاعرك .. قولي لفساتينــك رحل=قـولي لعصافير الشجر مسفر ما عاد يحبني
حتى السماء قولـي لها(هالليل بغيابه نحل)=أجمع له القوت بيدي و إليا تعافى كبـِّني حتى الفجر ماعاد له شمس .. ومسافاته محل=يخنق عيوني بالبكا.. وقبل يتلاشى يشبـِّـني[/poem] مسفر ماعاد يحبني .. صيحي وخلّي ضيقتك تمسح جبين مصيبتك يمكن يحن يمكن يعود إليا تذكر طيبتك. __________________ الراقي مسفر الدوسري ( انت مبدع .. و أجمل ) أخوك 0 0 ناصر الدهمشي |
حضور الشعر والعطر يامسفر حضورك
رائع وممتع دائما تأتي بالمذهل يا مذهل الف تحيه |
السلام عليكم اخوي مسفر صح لسانك على هذا الاحساس الراقي والمشاعر العذبه الف شكر لك تقبل تحياتي |
.
. . [ مسفر الدُوسري ] : تُمْسك الْتفاصيِّل الْصَغيرة .. تُغذيّها بِ الزَّادِ من شّعرك ..تَرفعها لِلغيِّمات ..وَتُسقيها مَاء الشمسِ بكامل الْكَرمِ ../ شُكراً لَك على مُنسابِ مَطرك يا مُضيء http://www.qamat.net/vb/images/smilies/a36.gif . . . |
لي كل الشرف أن أستفتح صباحي بنصك المذهل تزخر دائما بالجمال بل أنت كل الجَمَال سعيده بالقراءة لك |
الشعر : مسفر الدوسري
ــــــــــــــــ * * * نعم لستَ شاعرها - فقط - بل شاعرنا جميعاً ، فـ أنتَ مَن يمنح الأجنحةً الرفرفة ، و يمنح الغيم البَلَل ، و أنتَ مَن يُظهر ملامح الشعر ، و يُشكّل ألوانه و أوزانه . النقاء : [ مسفر الدوسري ] حضورك : نصٌ عظيم .. نصّك : حضورٌ عظيم .. عَظمَتك : نصٌ حاضر .. : تسكب الشعر بآنِيَة القلوب ، فـ نُعْشبْ .. و أنتَ القادر - جداً - على ذلك ، مِن قُدْرةٍ كوّنتها مُروْجاً . : أيّها الكريم شعراً و خُلقاً كل الشكر و الامتنان لك ، بحبٍ و مودّةٍ خالصة و خاصة . |
وما بين النص وكاتبه .. " سفر " نتتبع مسارب ضوءه .. وشعر ينبع بالذئقة والإبداع والنعناع .. فشكرا لك أخي مسفر وشكرا للطهر الذي يسكنك.. تقديري يا ودق . |
| الساعة الآن 06:34 PM |
Powered by vBulletin® Copyright ©2000 - 2025, Jelsoft Enterprises Ltd.