|
بغيت أوصفْنا ب / عش العصافير !
لكن تذكّرته ليا هبت الريح أخاف لاضاقت علينا المعاذير تطير بك ريح ٍ وانا / تحته اطيح |
وين انت ؟
مايكفيك لاقلت وين انت ؟ يعني تراها بعض بعض اهتمامي تبغى دليل انك بقلبي تمكنت ؟ شفني قبل حبك وتلقى كلامي ! سلطان. .. لكنك عليّه تسلطنت ! عنيد .. لكنّ اعترف بانهزامي ! |
لاتقربين
ولا تحكين بس المهم اذا اقتربت لاتبعدين واذا حكيت ما اريدك الا تسمعين عارف دروب العاشقين تكفيك مني كلمين |
http://m002.maktoob.com/alfrasha/up/...9231478046.gif
نفس الزمان اللي جرحك وجرحني لابد يوم ٍ يبتسم بالسعادة اشوف بعيونك كلام ٍ شرحني وبنظرتي تلقين شرح وزيادة جرحك وجرحي مابذحك وذبحني مادامنا نملك دواه وضماده |
كل عذب الشعر يطري !
وكل كلمة منه عندي كنها الكنز ولقيته ! يوم الاقي شي ماقلته لغيرك واتبختر واتذكر وان ذكرت إن كلمة ٍ قيلت بغيرك كنها الحلم ! وتبعثر لاتلوميني عليها كلمتين ٍ واسمعيها لاتقولين المشاعر .. صادقة في كل .. كلمة ! لنك أنتي / قلتي اللي كن ماخلْقت لغيرك وإنك أنتي / تستحقين إن مايخلق خشيرك ! وإنك أنتي / أكبر إن الورد يوخذ من عبيرك ! وش فهمتي ؟ ردديها في ضميرك ! |
زود الغلا يروح بافكاري بعيد
قمت اتخيل كيف ساعة غيابك ! اثر الغلا جنة . ولكن ّ لايزيد إن زاد يصبح قطعة ٍ من عذابك ! ترى المشاعر زادت .. وجابت العيد في وقت واحد ترتجيك .. وتهابك |
ذكرت وقتي معك ياروعة الذكرى
كل مامضى يوم زاد اليوم ميزانك ماضي زماني محته اسنيني الغبرا الا انت .. كن الزمن يرجع على شانك ! إن كان به واحدن يكتب ولا يقرا !!! يمكني انساك واقوى لوع هجرانك ! |
البارحة عاتبتني .. بالهداوة !
باسلوب غير الناس . غير اعتيادي أدركت حرصك لاتجي بالقساوة حتى على عْتابك .. مروق وهادي مني العتب تستقبله بالحفاوة لنّه صدى صوت المشاعر ( تنادي ) غيرت بي كل شي _ حتى الشقاوة _ وطاوعتك بكل شي _ حتى عنادي _ ودي اجرب معْك ساعة عداوة ! واصير مثلك بالمواقف حيادي ! |
| الساعة الآن 02:21 AM |
Powered by vBulletin® Copyright ©2000 - 2025, Jelsoft Enterprises Ltd.