|
مساء معطر بالشعر ......! بيت رائـع يتيم .. للشاعر العذب / ابراهيم العنزي ؛ ؛ لو تـقبل كف من يـنــوي يـخــون خـان .. واشفاهك على راحة يده تحيتي لقلوبكم نرجس غنج نجد |
تذكرتك..! أنا اصلا نسيتك لاجل اعود اذكرك بودّي...لو ذكرت صدق لكني...نسيت انساك ** انا شفتك قليل من الشبه بينك وبين اكثرك تنامت فجوة الموت البطي بينك وبين احياك ** وانا مدري بلحظات لتلاقي منك وش يحضرك مكانك او زمانك ضحكتك جرحك هواك اشياك ** ولكن ..عارف انك عارف اني :مالفيت انصرك انا ماجيب لك وردة شماتة في يدين اشلاك ** كأنك قدس..قدسية خضوعك..انظره انظرك جدار العزل /كمام/ ارتعاشات/ اوردة /أسلاك ** بذخ لما تكون النار ضيفك لاتمد اخضرك ولكن طبع..فاوراقك جنوون تجمّلت باغلاك ** فقدتك..كان في وسع السما لااستسمحت تمطرك فقدتك..كان في وسع الثى يجمع وراك خطاك ** يسامحك الممات تموت...؟!.طيّب كيف انا بكبرك انا مااكبر سوى لاقست طولي فيك وتعداك ** ((سوا..ربينا)) واذا ماجيت بعد المدرسة مااعذرك! تخاف امك عليك....؟!امك تشوف ان اصدقاك اعداك ** (سوا.. ربينا ))واذا نسرق سوا ثم ارجع احذرك ((سوا ربينا)) ندور في الظما لحبقنا مسواك ** وانا اكبر منك اعرف اسما الشيوخ اعدهم وابهرك وانا ااحسن منك اسولف بالقبيلة واهزم الاتراك ** وانا افقر منك ..ماسافرت مرّة واعترف...مظهرك..! وانا اتعس منك ماشفت البحر لافارق الاسماك ** سوا ربينا وانا اللي قبلك امشي مو عشان اقهرك تضن برجلك--الرجلين هذي تجرح الاشواك- ** كذلك كنت شاعر من زمااان بلوعة تنطرك وحي ..مدري..وحي..مدري رؤى تفسيرها مثواك ** تكسّر في المرايا صورتي وشلون اجي واجبرك تضاءلنا سوا بعيوننا ضعنا هنا.. وهناك ** دخيلك لاتموت ان مت...ماعندي رثا واقبرك وراك شلون ابفتح باب ..لاصار السما شباك ** دخيلك مااقدر انسى لاتموت..ان مت كيف اذكرك؟؟ يموت الفضل في خطرة بكاك وفي جلل ذكراك.. للمبدع .. محمد عيضه |
من القصائد الحزينة [POEM="font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]خـــلاص يـانـــي الامـــل فيك مفقـــود = وانا اللي كنت احسـب شعــــورك عشـــانيقصيدة الأمل المفقود حــــاولت يـامـا لكن الباب مســدود = الله يعــــوض حبي وشــــوقي وحنــــاني كـنت احسبك في داخــــلي دوم مــوجـــود = مهــــما اروح بعـــــيد انت بكـــــياني كانت محبتنـــــا أبد مــــالها حــــــدود = كنت بحيـــــاتي دنيتــــــي والامـــــاني وانا بقربــــك عـــــالمي كان محــدود = كنت أحسب اللحظــــــات ويالثـــــــواني مــــاأمل من شـــوفك انا كنت ابا زود = وكل مــــاأشوفك قلت ربي عطـــــــاني دايم أقول مثلك بها الكــــون معـــــــدود = كنت احــــلف انك انســـــان ثــــــــاني كنت الامـــــل كنت العطـــــر كنت الورود = كنت اللي أشتـــــــكيله واقوله أعـــــاني من كثر ماحبيت عيونك الســـود = كتبتلك أشعــار واهــديت أغـــاني ليـــــش الالم ليش الجفـــــا ليش الصــــدود = بذمتــــك يعني صــــــار غيري بمكــــاني كـفي بيـــبقــالك على طـــــول ممــــــدود = ابعــــــد ليــــــالي بس ارجع لي ثـــــــاني صدقنـــــي بتــــــلقاني مثل الاول وزود = بالعكس يمكن زاد فيــــني حنـــــــاني أكذب على نفـــــسي واقول يمكن يعـــــود = ومرات اصـــــدق واعترف هو نســــــاني حـــــاولت ياما لكن الباب مســــــــدود = الله يســــــــامح حظي اللي رمــــــــــاني ان مـــــت انا في يــــــوم بأوصيك يـــادود = لوزار قـــــبري والا انه بــــــــــكاني قــــــله يحبك ويعـــــترف كان محســـــود = ولو كان عـــايــش كان قالك عشــــاني لاتبــــــكي دمـــــــوعــــك ولاتنثر ورود = جيـــــــــتك تكفي ياعســـاك تكون هـــــاني وقـــــله امانه يروح لنــــاعم العـــــود = ذاك اللي خـــــلاني بدونــــــك اعـــــــاني قـــــله يقلك انت بالحب موعــــــــــود = دام اخذك مني اكـــــــيد ما بيعــــــاني لاني اعــــرفك زين ماتكذب وعـــــود = طيـــــب وفـــي حسـاس راعي معــــــاني كنت بحيـــاتي انت بس اللي مقصــــود= كنت مســــتعد أموت وتبقى بمــــكاني من كــــثر ما حبيت عيـــــونك الســــود= أهــــــديت لك عمـــــري والعمـــــر فـــااااني[/POEM] للشاعر طارق المحياس ومن هنا بصوته http://www.q8music.net/music/ash3ar/6areq/alamal.ram . . شكراً أخي حامد لهذا المتصفح وأبعد الله عن قلوب الجميع الهم والأحزان |
مخلوق أنا والحزن مخلوق فيني ولا تنتهي الدنيا على حزن مخلوق للعملاق: عبدالله حمير القحطاني |
يرفع لتجديد .. فما زال للنبض بقيه
|
غالبا ً ما تكون نصوصي من نسج الخيال
ولكن لهذا النص قصه واقعيه مؤلمه ولكن تبقى هذه القصه ذكرى لن أنساها ما حييت (أعـمـى يـشـوف الـمـوت) [poem=font="traditional arabic,6,teal,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""] غيآبـك سبّـب آوجآعـي وآنـا مـن غيبتـك يعقـوب=رفيقـي حـزن والظلمـى و آنـا وآقـف عـلـى بـآبـي و حلم آيتام كنت آحلم آحـط الطـوب فـوق الطـوب=بنيـت ولآ سكنـت إلآ بشـقـآي وحـرقـة آعصـآبـي آلم من غيبتـك يكـوي ودمـعْ / الجفـن منـهْ يـذوب=آنـا مـن فـقـدك آخـشـى آفـقـد دمـوعـي بمحـرآبـي جسـد ذآوي بقـى عقـبـك ينـآشـد هالهـمـوم آتــوْب=عــذآب آعيـشـه بـإنـذآر الوعـيـد آعـضـه بـنـآبـي آلآآآ يـآ حـظـي العـآثـر آلآآآ يــآ حـبـي المنـكـوب=قوآفـل حلمـي تلآشـت و ضاعـت مـن يـدِّ ركآبـي آبدفع من ضرآيب غلطتي / صآر الغلط محسوب=كآنـي قـد جمعـت ذنـوب خلـق الله علـى حسـآبـي آتمتم داخلي وآسـآل مـن الجآنـي مـن المضـروب=آلآقـي حكـم يدفعنـي علـى قـبـري مــن اضـرآبـي آنادي يآآآ جبل مكه على آسمـك صـآر لـي محبـوب=وهــو يــدري بـانّـه بـآقـي آول و آخــر آحـبـآبـي هــلآك آشـبـه بعثـرآتـي يورثـنـي آســى مكـتـوب=آحـاول آلعـن آفكـاري و آلآقــي قبـآلـي (كتـآبـي) يآ حـب ٍ دآخلـي يبـقـى آمــوت وبـآقـي ٍ منـصـوب=كذآ كنآ .. كذآ بنعيـش .. و يبقـى حبنـآ (اعرآبـي) على متني حِملْ زله و آنا وإللـي خلـق (يَعْسُـوب)=بـآن الـروح لآ قفـت .... بعـدهـآ آتـوسـد تـرآبـي مـن إحسآسـي آبرسـم دآخلـي حلـم ٍ لنـآ مسـلـوب=آظن آجمـل مـن سنينـي و آيآمـي معـى آصحآبـي آنا آدري لو تقـول (الصبـر مآ يذكـر لغيـر آيـوب)=آنـآ صبـري نفـذ و الحـب فـي قلبـي لهـآ (رآبـي) آلآ يآ بير حظي جيـت لـك ظآمـي وآنـآ مشحـوب=عسآنـي فيـك آلقـى مـآ يـرد الـشـوف لـ.. آهـدآبـي آنـآ شوفـي يعـود و ينجلـي حـزنـي بـشّـم الـثـوب=آبي طِيبـه عـلآج الشـوف يخفـف لوعـة مصآبـي إذآ شمسك خـذت حلمـي معآهـآ وآختفـوآ بغـروب=بهلّـي بموتـي إللـي وآقـف آنتـظـره عـلـى بـآبـي [/poem] |
هاكذا .. ( الحزن ) !! كلي أرق.. مل الورق .. يجمع دفاتر حزننا .. لية السهر أخر مواني حلمنا .. ياطهرنا .. كان الوطن أرض المنافي .. وقبرنا .. ماني وحيد .. عندي حزن كثر الفرح .. .... اقصد جراح بس ناقص اني اسبق العمر اللي راح.. وارجع سعيد .. من قال لك .. اني وحيد .. . . كيف اشوف الناس من دون الظـلام.؟! /// هذا انا بقيود/// ماشفت السجن..!!! غمّضي عيـن الحقيقـه راح انـاااااام /// يمكن القى داخـل احلامـي وطـن هالامانـي كنّهـا اســراب الحـمـام /// بزحمة الاشجــار ابحث عن غصن..! كنـت ادور كـف فـي ارض الـسـلام /// مالقيت اصدق من كفـوف الشجـن شـي واحـد كـان واضـح بالـزحـام /// نيتي اللـي صـارت لحلمـي كفـن ماتـت الاحــلام ودروبــي عـتـام /// يامدينـه هـذي احزانـي مــدن كــل شــي ٍ بــي صـالـح للهدام /// كـل صالـح بـي مبنـي للحـزن مـو حـرام المـوت لـكـن الـحـرام /// ينكسـر رجـال بعيـون الـزمـن صاحيـه عيـن الحقيقـه لـو انــام ///نمت منهم // قمت// منفي بلا وطـن !! الانسان / احمد ندا |
هاكذا .. ( الحزن ) !! عمري غلط كله .. وياكثر مااخطيت ........... وياكثر .. مااكثر من خطاي اظلموني لو مااترجى .. رحمة الله توفيت ........... من كثر مافاض الندم .. من عيوني كان القلوب بيوت .. ماعاد لي بيت ........... يالغربه .. اللي ماتعيشين .. دوني أدمت مخالب وحدتي ، ضحكتي جيت ............ أحمل نعش ذكرى .. لناسٍ نسوني بيض النوايا ، مرحبا ، لا تقهويت ............ من سودهن .. والكل ماسامحوني كيف افهم اللي صار لي لا نجليت .......... وامعنت بالتفكير .. لا .. في جنوني أشعر بأني كنت في مرحله .. ميت ........... لكن حييت .. وتوّهم ... يدفنوني ياللعذاب السرمدي .. كيت من كيت ........... للطيش ، والحظ التعيس وظنوني يارب .. لامني ذكرتك .. وصليت ........... وذكرت عفوك وانت لاضقت عوني ضحكت .. ضحكة طفل لاهي .. وسجيت ............ ماهمني .. لو الجميع .. اخذلوني ! سليمان المانع |
| الساعة الآن 02:16 AM |
Powered by vBulletin® Copyright ©2000 - 2025, Jelsoft Enterprises Ltd.