.
التراب هو النسبُ الأكيد الذي يجمعُنا

الأخلاق الرّثة لايسترها الثوبُ الحسن

‏ما حسبنا احساب شيال القرب
........اللي حمله مابلغ حمل البعير

لو يقول انه من انساب العرب
........في عيون الناس مايكبر صغير

من يفك المعضلة وقت الكرب
........غير سلمان البطل سيفه شطير

الزعيم الفارس اللي لا ضرب
........ترتعب كل الدول قايد كبير

محمد الثوعي

الشاعره الجون ارسلت بيتين لي تقول

تراب الهم ينداسي
وحس الموت مايمري
جفوك الجن والناسي
وربك طاعته تغري


ردي
احس الهم بأنفاسي
مثل مايُنشق العطري
ولكن لو بقى راسي
بوقتٍ ماقبل عذري
بتوب وبترك الناسي
والجأ للذي يدري
ياربي قلبي القاسي
طلبك العفو والستري
وجنه مالها قياسي
مياهٍ تحتها تجري

"الحياه" اللي تذلك " للحياه"
ماتساوي شي بعيوني ابد
قال ابوي اللي موصيني وصاه
موت لكن لاتمد يدك لأحد

بدر عتيق

يابنت ياللي بآخر الليل تبكين
قدام شخصٍ وسّمته النذاله
شومي بنفسك عن دروب الرديين
من ضيع العفات واعزتاله
لايكسب الدنيا ولايكسب الدين
يرجع مضيع بالملا رأس ماله
يمناه من غصنك تبا تاكل التين
وان خلصت منها رمتها شماله
ينكر وجودك بعدها بالمزايين
طرده يشابه طرد رجله ظلاله
لكن توبي يابنيه وتكفين
درب الخطا والشين مالك وماله
ماينفعك بكره ليا حطوا الطين
يوم الرحيل اللي طويلٍ مجاله
بالليله اللي كلهم عنك مقفين
واخوك رمل القبر من فوق هاله
تسارعوا في حثة القبر يالين
خلوك وحدك لاابوك وعياله
والعاشق اللي قدمه الأمس تبكين
مشغول للمحبوب يكتب "رساله"

بدر عتيق

ﺍﻟﻤﺴﺄﻟﺔ ﻣﺎ ﻫﻲ ﺍﻋﺘﻴﺎﺩ
ﻭﻻ ﻫﻲ ﻣُﺠﺎﻣﻞ ﻭﺍﻓﺘﻘﺎﺩ
ﺍﻟﻤﺴﺄﻟﺔ، ﺇﻥ ﺍﻟﻤﺤﺒﺔ ﺍﻟﺼﺎﺩﻗﺔ
ﺗﺠﻤﻊ ﺷﺘﺎﺕ ﺍﻹﺑﺘﻌﺎﺩ

رشا