|
الـحزن فـي صـوتك ازعـج ساكني
لـين صار الكون من حولي حزين غـصب عـني حـزن صوتك هاجني لـيـن خـلَّـى عـاصي الـمعنى يـلين وامـتـثل حــرف الـقصيد وعـادني وانسكب حزنك على شِعري حنين شِـلت أنـا صـوتك وحـزنك شـالني أكْـتـم الـصـرخه ويـنـساب الأنـين شِـفت حـزنك كـيف حـزنك شـافني كـيف داهـم خـلوتي فـي لـحظتين طـيـر أنــا مـثـلك زمـانـي ضـامني جـرّحـتني مـثـلك سـيوف الـسنين صـابـك الـلـى مــن زمــانٍ صـابني فـي مـعاليق الـحشا جـرحه دفـين الــفـرح عــقـب الـصـداقه هـابـني خـافت الـبسمه عـلى وجهي تبين طـير يـا اللّي صوت حْزنك هاضني الله الــلــي يـنـتـصـر لـلـصـابـرين |
اصيح ... اصيح ....... احاول اسمع ماتقول الريح ، اصيح ............. وكنت اركض ، وكان الدرب قدامي يطيح !! مثل الطواحين القديمة كانت ايامي تعد الريح .. في كل ليلة : كنت اعد اللي رموني في حصى الفرقا ، واودعهم ضريح .. في كل ليلة : كنت اداوي داخلي طفل ٍ جريح ! من علم السكين طعم صراخنا ؟ من علمه فينا ينام ويستريح ؟ من علم الشكوى جراح الشيح ؟ والمطفي يصير اقوى ؟ اصيح ..... لكني بلا جدوى ،، تركتك يالمطر مثلي تبوح الما .. تحاول – عاجزة – تدميك اصابع الشكوى .. كانت مسامير البكا بعيوننا تطوى .. كانت بلا جدوى .. لاحزن كان ولاعتاب ولاطيور ٍ ترمي اسرار الليالي من ورى الابواب .. مثل المواني كانت عيوني : زحام وملح .. كانت غياب .. وملتقى اغراب .. طفـْْـل بلا ثياب ، وصياد ٍ عجوز تبيعة الوحدة على الكوخ القديم ، مسافرين ، أحباب ، شحـَّاذ ٍ لئيم ، مهاجرين ، بياعة زهور ، وعاطلين ، بحـَّار ٍ عظيم ، حمـَّالين ، وفي اول ظلام : انتي رجعتي يالمواني خالية .. تركتي للبحر كل الكلام ،، وانا رجعت اقرا بعيوني غربة ٍ مرت وظل الملح ، ولا خف الزحام !! فهد دوحان |
اليوم فيني حزن ماهوب فــ انسان اليوم بعضي ما يبي قرب بعضي ** هاجرت عن ليل التعب طحت باحزان ظلي وقف وانا على نفس ركضي ** منفي وادور عن وطن بين الاوطان حتى ولو هو بس طولي فـ عرضي ** عندي تساوت كل الاوضاع سيّان تموت أرضي او انا اموت فــ ارضي ** استرسلت فالذاكره سبع الالوان اللي تأثر في حنــيــني ونبــضي ** واقفيت مثل اللي فقد كل الاخوان وافقت وقتي بعد ما مات رفضي ** واليوم اعيش بــ حزن ماعاشه انسان تخيلوا بعضي كره قرب بعضي!! زايد الرويس |
[POEM="font="Simplified Arabic,5,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black""]الله من عينٍ دواها عماها =عينٍ طوت ينجوم ليلك تخايلك
وردت عمى واد العنا من عناها=ماطاوعت من قال سهرك يبهدلك وابوك يانفسٍ تعوم بهواها= اليا متى تخطين ونا تحملك ياتايهه دنياك عجْلٍ فناها =ولو نزلتك اليوم باكر ترحلك تجبري بالله وقصي رشاها=واللي كتب لك لو تطيرين طايلك[/POEM] |
: : : كنت أحسبك سيفي إذا ضقت أناديك ==== وأثر البلا سيفي هو اللي طعنّي |
ليت ربي ما خلق لحظة وداع ولا فراق ولا دموع ولا ضياع دمعة في زايد |
[POEM="font="Simplified Arabic,5,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black""]يامعدي المرقاب خله لمشتاق= حوِل وخل معذب القلب يرقا
ياليت ربي ما خلق حب وفراق=والا خلق حبٍ على غير فرقا [/POEM] الامير محمد الاحمد السديري |
خلني أبكيك شاعر بجرح غيرك ماشعرت وبأعذرك هذا اللي صار أكبر من انك تفهمه وخلني ابكي المشاعر كافي صبري اللي صبرت احيان اقول اني قدرت وأحيان اقول متوهمه وبأوعدك..اللي حصل درس خذيته وأعتبرت وإن رجعت بحلم ثاني سل سيفك وأهزمه. . . ........؟ |
| الساعة الآن 09:58 PM |
Powered by vBulletin® Copyright ©2000 - 2025, Jelsoft Enterprises Ltd.