المشاركة الأصلية كتبت بواسطة عقاب الربع (المشاركة 87545)

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أبرار .. ياحبها هالبنت للغشمره = تذب ذباتها واشعر بقلبي نما
عصفورة الما .. ونبته طاهره مثمره = غيمه من الحسن .. حسنٍ من غيومه هما
هديلها للنوايا عفوٍ لمقدره = يحسها لو تـِـرِف عـْـصـِـيـْـر حتى العما
اخر هدوءٍ .. تهادت به .. عجزت انكره : = صمتى وراء الصفوف المظلمه حينما :
قالت : وش الحلم ؟ ويديها على التذكره = قلت : اني اكتب على اي تذكرة سينما :
الحلم مايرجو التخمين والمعذره = يطير .. وقلوبنا جنحان له .. كلما :
نشوفنا المشهد الحي ونبي نحضره = نهدي الأراضين يدّين ونجوب السما
بقلوبنا .. نجعل الأجوا تجي ممطره = ظلما وعادي يلو هالشوق فز ونما
العقل ينلام بس القلب من يعذره = والناس ماتعترف مرات في ربما
تعالي نتابع المشهد بنا نسهره = ابرار .. شوفي التفاتتها وطيف ارتما
في صبحها اللي كأنه ناويٍ يشكره = طفلٍ لقى صمتها مرجوحتين ودما
نوى يلم الاماني بعثره بعثره = والا مداها تلّحـف به ممات وحما
حزنه خريفٍ نفى ديمومته واخضره = حاول .. وِكان اليباس اقوى .. وكان يهما
كئيب بعض التعب واضح ولا يقدره = واليتم طفلٍ كبر في ملمحه اينما :
حس الاماكن تْـشَـابـِـه وحشة المقبره = وحست بأن الظما ماهو مجرد ظما
قالت له : اكتب عن الحلم وخذا التذكره = كتب لها : الحلم روح .. و .. رفرفت للسما[/poem]