خلّها يدك بدل قلبك وش رايك ؟
أبد والله [ محروقه يدي طال عمرك ]

تكفير ذنوب :(

كيف أطفي الريح بثيابك وكيف اشعلك
كيف اتنثر على جمـرك وكيـف احتويك

نقضت ليل الحرير وجيت ماانت ل هلك
سمّيت باللي فتني بـك وقلت ابتديـك

هذا اول الدرب او هذا الطــريق اولك
جيت آتوقّا عذابات المدى ..واهتديك

شوقـي مسافـة وهمساتـك مـدار وفلك
ان ماظميتك غلى ..ياعلني ماارتويك

إية اعرفك واعرف اني من غلاك اجهلك
مرات اضمّـك واخـاف اني مشبة عليك

مـرات اشوفـك بنفس الوقت واتخيـلك
وانشد كفـوفي عن اخر سالفة من يديك

أعـنّ لك لـو تصّـب المـوت ...واتهيّلك
واجـوع لـك وآتمـنى خنجـرك واشتهيـك

ماقلـت لك عمر سيـف العشق مايقتلك
ماتشوفني حي قدامك وانا امـوت فيك

اشتقت لك قبل اجيك وجيت واشتقت لك
البارحة طول ليلي بين هذي ..وذيـك

مليت جمـر انتظارك واستحيت أسألـك
واحسبتني ما بعد جيتك وفكرت اجيـك

اثرك بقلبي من البارح وانا استعجلك
واثري نسيتك من الفرحة وقمت احتريك

مساعد الرشيدي

ارى الترسبات قد غطت على نبضه فغط في سباته
يحتاج ان يغسله رمضان

أجِدُني في قلوب من حولي
وأفتقُدني في قلّة الحيلة !
سيدة الماء