[poem="font="simplified arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يانور عيني وش يزيدك عذابي ؟=تثيرني بعد قطعت المواصيل
ان كان ماطقيت ( بالخير) بابي = مابي جهد تزيد هجرك غرابيل
بقت لي الذكرى تدمدم صوابي=ليتك تداريها - تروح بتساهيل
كانك تكاثرها علي باغترابي= فسرت كل اللي مضى بالتعاليل !!![/poem]

[poem="font="simplified arabic,5,purple,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]خذني تعاسة جرح ضيّع طبيبة=وباخذك دكتور شح بعلاجه[/poem]

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مدري نهاية ذا الهوى ويش بتصير=احترت انا مابين مدري ولكن
عينٍ تشوف الدرب ورد ونواوير = وعينٍ تشوف الدرب مظلم وداكن
لي وقت مااستعذبت صوت العصافير =اليا سمعته قلت جرحي غناكن
يابنت انا جروحي على اقل تقدير=اما تشاكن يوم والا تباكن
وعروق قلبي لك ترفرف كما الطير = بردانة تدور بحبك مساكن
متى يتنازل واحد ويكسب الغير= ويصير جو الحب صافي وساكن
وانا اغني لك بصوتي مقادير =وانتي لي تغنين لحن الاماكن[/poem]

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تراك اكبر بعيني من اني افكر فيك = ولكني افكر بتجديد تفكيري
علشان يستوعب خيالي _بما يكفيك=ابشوف بك حاجات ماشافها غيري [/poem]

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]امشي ( وفا ) والقى النتيجة جروحي =اهون علي من قولة اني ترديت !
واطيح قبل اوصل لغاية طموحي=اهون علي من طيحتي لاتعليت[/poem]

معايدة
 

[poem="font="simplified arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أحباب / تذكر بعضها ب فرحة العيد= يوم السعادة ذكرتها السعادة
نرسل تهانينا وللعهد تجديد = ان المحبة كل يوم بزيادة
كل عام وانت بخير/ وايامك تعيد=عيدك على صحة وخير وعبادة[/poem]

[poem="font="simplified arabic,5,gray,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يامشاعر ظلمتك في كثير الذنوب=واكبر ذنوبي اسرافي بكاف الخطاب!
ان فتحتي لي التوبة .. ومثلي يتوب=من (ذنوب المشاعر) تبتدين الكتاب ![/poem]

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لا لاتقولين اني احب بجنون = ترى الجنون بسرعة يصير خِلة !
ترفقي وامشي على الدرب بالهون = واللي يجي كله ترى يروح كله
ياجاهلين الحب ملزوم تدرون = اني فهمت الدرس دقه وجلّه[/poem]