|
ياللي سكنت النبض في ساعة ويوم ................... بابوح لك سري وانا دون بابك عالجتني من طيحة الأمس .. واللوم ................... لما اشوف اليوم غيري ببابك!! |
بعض الألم منه نعيش ونعاشر .............. وبعضه يحطم غالي الروح فينا والا الصبر وكثيرمما نساير .............. يقلب بعض أحيان مقلب علينا! |
لا شك مثلك عارف الجِد والحَد .......... ولا شك من تهوى بتعلى سماوات لا صرت انا شمعة حياتك فذا عهد .......... إني أحيل اسوار ظيمك براحات http://www.mriraq.com/up/tnrbpaS30.jpg |
http://4.bp.blogspot.com/__wAhnPrhLS..._4470164_n.jpg عامي جديد. باحلى المشاعر لي تزيّن يحمل آمالي ويرسم بسمتي ويخلّي أيامي على لساني قصيد. عامي جديد. حبّيته قبل يحل وحبّيت انا وسمه. المطر هل وتلالا لجيّته مثل ما قلبي مطر لما غديت لخافقي بسمة. عامي جديد. مثل الأمل لما وصلت. ومثل الليالي الهانية لما تماثلت وحصلت! وياك انا حتى وسط حزني: سعيدة! وياك انا فرحة.. وآمالي بعيدة! وياك يا عمري تحديت الزمان وصرت انا الأولى بتعريف السعادة والمودة والأمان! جيت يا عمري وخليت المكان طيب ود وزحمة افراح ومعايد.. قبل حتى يحل ويحين الأوان! عامي ببسماتك جديد. وكل عام يا عمري وحبك لي يزيد. |
يا ليّن القسـوة..! http://t1.gstatic.com/images?q=tbn:A...Tw3Zyc2ooQ&t=1 هنا هنا .. بالقلب غاير مكانك ......... مثل الجروح اللي غزت جوف الاحساس! مثل الخناجر في حشايا حنانك ......... إليا ذكرته كل ما فيني احتاس!! هنا بوسط الجوف.. حاير عشانك ......... كل الزمان اللي انطعن منك، لا باس! هنا أبَوْصل لك.. وابنسى زمانك ......... هنا أبلْغي دمعتي حضن وانفاس هنا بتوصلني بقايا حنانك ......... يا من تناسيت الوفا.. همّك الناس! هنا.. يزين الدمع ساعة أمانك ......... حسرة.. ودمعة.. ما نخى فيهم الراس هنا .. هنا .. بلقى العذاب بضمانك ......... يقضي على كل المشاعر بهوجاس يلغي زماني كل ضيم بْلِـيانَك ......... يا ليّن القسوة رغم شدّة الساس! وهنا هنا.. بيظل غاير مكانك ......... مثل الجروح اللي غزت جوف الاحساس منار عبدالعزيز - القمرا أبريل 2006 |
http://gallery.photo.net/photo/1868378-md.jpg كل عام وايامي بدونه كئيبة ..... أنا فقيدة روح لنّي بدونه حتى المعاني في ألمها مصيبة ..... يوم الهنا عوّد رحيل بعيونه أطلبك يا أبريل انهي مغيبه ..... قل له يعوّد واكتفي في جنونه قل له تراني في بلادي غريبة ..... خلّه يجي واسعد ولو في سجونه! |
| الساعة الآن 04:27 AM |
Powered by vBulletin® Copyright ©2000 - 2025, Jelsoft Enterprises Ltd.