|
يابعيده
المطر اجبرني اكتب لك قصيدة المطر هذي السنه سوه السما صفحة جريده نشر صمتي نشر احزاني السعيده رد لي دمعي رد لي سمعي رد لي حنجرتي الشريده المطر جبرني اكتب لك قصيده |
خلنا أخوان
هوانا كان ساعة من شهر نيسان سفينة والبحر سكران لوحة والمطر ألوان قصة كانت ومعنى وهذا اليوم فوق الرف لا معنى ولا عنوان ما أقدر أوضح لك ما أقدر أقول أكثر في لساني الكلام يموت وفي عيوني الهوى تابوت خلنا أخوان |
كانت اللحظه تعب
كانت الهمسة غضب وكان احساسي مشاغب تعبت من نزف الكلام كيف حالك والسلام وكل نتايجها مصاعب من وين اعدلها تميل لاصحوة لاغفوة بليل ضمير صاحي للمتاعب حكمة آلهيه نتألم يجوز في يوم نتعلم ومن الالم تبقى تجارب |
وزعيني في تضاريس الثواني
في محطات .. ومواني اهدمي مجدي اللي ضمنّته ملايين المعاني احرقي خيمة حناني شرديني شردي طيور الأماني اجبري ايامي ترحل عن زماني غيري طعم القصايد في لساني شرديني اتبعيني أنا بيتي هناك في اللاشي مكاني |
يا اللي حبك قطع أنفاسي قصايد
يا اللي ذنبك لوع حروف الجرايد انت وأنا اثنين .. والثالث هوانا والهوى مسكين .. ليته ما لقانا صدفه وحنا صغار .. صدفه الهوى لبسنا عطفه والهوى مسكين ليته ما لقانا والأمل (مقرود) يبكي في قفانا والحزن مرتاح كل حزنه هدانا وحنا بس اثنين .. والثالث .. هوانا والهوى مسكين ليته ما لقانا انت أقوى منّي .. وأنا اعترف أنا خطوة نار .. خلتني أجف بس مصير النار يقولون الرماد وانت نارك غير نيران العباد في وسط عيني أشوف انك تخون واسدل جفوني على طول العيون يا اللي حبك صبغ الدنيا ذنوب وبدل شموسي المنيره في الغروب من طفولتنا .. أتوب ... وما أتوب |
كان بودي أن أضع في هده المحاولة مجموعة من القصائد .. عن الأرض المحتلة .. لكنني أقف وفي فمي شلال من الصراحة
فايق عبدالجليل |
الحروب اللي انتهت كانت تجارب علمتنا اشلون لازم ننتصر لما نحارب عرفتنا بأصدقانا المخلصين عرفتنا بأصدقانا المجرمين افتحت باب الصراحه في العيون العربيه ووضعت كل النقط فوق الحروف البجدية هناك في مبنى السلام المكان اللي . انصلب فيه السلام اطعنونا ألف طعنه من الورا باسم السلام اكسروا كل الغصون المثمره باسم السلام اسلبوا كل الأراضي الطاهره باسم السلام يتموا أطفال في عمر الورود اخلقوا مأساة في قلب الوجود وأنشأوا دوله بوسط دوله سموها وطن غالي وطن شرعي من أملاك اليهود هناك في مبنى السلام اخدعوا حتى الضمير العالمي شوهوا كل الحقايق في الدعايات الكثيرة والذهب انكروا كل الوثايق انكروا أصل العرب هناك في مبنى السلام مبنى امريكا وطابور الظلام هناك في مبنى المهازل اخدعوا كل العرب عشرين عام واقتلوا حتى حمامات السلام والقضية نعتبرها مهزله ولعب وخداع نعتبرها مسرحيه من فصول ينتصر فيها البطل ينتصر فيها الأمل ينتصر فيها الفلسطيني الشجاع القضية لسانها الحرب الطويلة المستمره القضية تعيش في عز النضال تعيش في جو الصراحه تعيش في بحر الصراحه بعيده عن كل ارتجال القضيه اتغيرت صارت مدافع بعد ما كانت ورق بعد ما كانت خطابات وكلام بعد ما كانت أغاني مزخرفة ابنتفت حماس القضيه مستمره والمدافع مستمره والجماهير أقسمت لازم تعود والحروب اللي انتهت كانت تجارب علمتنا اشلون.. لازم ننتصر لما نحارب |
( أنا آسف )
أنا اللي يوم تمنيتك ترجيتك وناديتك أنا اللي قلت لك كل الفرح بيتك تعب صوتي .. ومليتك تعب قلبي .. وخليتك حبيبي .. لا أبد مو أنت ذاك اللي تمنيتك أنا آسف .. أنا آسف اذا في يوم حبيتك نثرت الروح في كفك أماني وقلت اطلب . كل الأرض مفروشه بحناني وكل الشوق سويته اغاني لا انت صوبي ولا يمّي ولا حسيت في همي جيت الحين ترعاني تصورت الجروح تطيب في لحظه .. وثواني أنا اللي قبلك مضحّي ولا تحتاج حق شرحي تدري يا سبب يأسي وسبب جرحي انت ادري .. انت ادرى ولا تحتاج حق شرحي ايدي اللي كتبت اسمك بدت تمحي ... |
| الساعة الآن 07:03 PM |
Powered by vBulletin® Copyright ©2000 - 2025, Jelsoft Enterprises Ltd.