|
يا عديل الصبح في طلّة نهار .............. يا انتصارات الحكي والاسئلة ما دريت إني على قلبك أغار .............. وما دريت الليل بعدك مطْوله فدوتك كل الهنا والانتظار .............. عطني احساسك وانا باتناوله جيت لك وانا اللي سموني "منار" .............. نور في دنياك.. لو تحتاج له |
القسوة احساسٍ تعاهد مع الوقت ............. ما يترك الطيب ولا يقتدي به الله يعين قليبك اللي من الكبْت ............. يمسح على قلبي ولاني قريبه http://imagecache.te3p.com/imgcache/...e56d28baa1.jpg |
غيرة تشب الحب وغيرة تذبحه ............... وانته ما بين الغيرتين اختيارك إمّا تداوي القلب والا تجرحه ............... حدّد وطبّق في النهاية مسارك |
خانقي وينك؟ عجزت اتنفسك ........... شاب ليلي والشِّعر صابه جفاف في بساتيني تناثر هاجسك ........... جرّحت عيني سلايله الرهاف كل ما دار الشمال اتخيلك ........... مقبلٍ تنهي عذابات الزعاف والحقيقة ماني حول مرايتك ........... إنت في روضة وانا سبعٍ عجاف! http://up.5aa5.com/uploads/images/5aa5-3adf618342.jpg |
ظلم الوعد .. والا فعايل يدينا ................... كله غياب وكل منا يعيبه الله يسوق قلوبنا من يدينا ................... ومن بالرّدا ناوي فربي حسيبه http://t0.gstatic.com/images?q=tbn:A...gVVZvHjNUQnV30 |
مدري أمد ايدي لإيدك واتبعك ................ والا بأعماق المجاهل .. انكتم وارفع جبيني لك واطولك واحضنك ................ يا نور شمسي.. يا خيال المنغتم إعذر برودي.. لنّ تاريخي معك ................ يروي شجون سيول فرحٍ .. مايتم! |
: في عالمي.. جرد المشاعر.. عار!! لا تنتظر لمسة دفا من عاشقٍ.. محتار يخفي مشاعر نبضته بالعتم.. والإنكار..!! في عالمي.. كل المسافة داخلي من طرقة الباب الخفيفة لآخر المشوار.. في عالمي.. هذي خلاصة آخر الأخبار! : http://im2.gulfup.com/2011-04-02/1301751838145.jpg |
الوفا في وقتنا يومه قصير ................. واللي ما يوفي يلاقي لهمكان! احتضن ذاتك ولا تنسى الضمير ................. رغم طيحاتك ترى قدرك مصان |
| الساعة الآن 04:29 AM |
Powered by vBulletin® Copyright ©2000 - 2025, Jelsoft Enterprises Ltd.