بين الشبابيك والابواب=اجمل قصاصاتي منسيه
خبّيتها بين حزن كتاب=يبكي الورق في محانيّه
لو الدفاتر تضج عتاب=ماكانت حروفي منفيّه
لدّيت انادي الورق/غيّاب=واجسّد الضحك ,,مرثيّه
ماجيت اهوجس واسد الباب=جيت ازرع الريح بيديه
جيت اتوجس واشق عْباب=بحور شعري وقافيّه
لو كان فيني الحكي مرتاب=اقْطَعْه بالشّك لو عيّه
ماهمني حاسد وكذاب =مادام صدقي دمح سيّه
لو احكي الصدق او اغتاب=ماهمّني كذبهم فِيّه
ماهمني حكْيهم لو عاب=في شِعري يكفيني بنيّه
لو استفز الحضور غياب=فزّيت لهناك وهنيّه
لو هز فيني النهار اعناب=شربت من صبحه وضّيه
لو اني ذنب الشعر ماتاب=يخطيني واغفر بلاويّه
لبست عاري القصيد ثياب=وازهاني الشعر في غيّه
"هوّه صحيح (الشعر) غلاّب؟!"=تبّت يدا ميته وحيّه
الشعر تخضع له الارقاب=ياحظ شعرٍ خضع ليّه
اما يجيني الشعر طلاّب=او الجمه واعلن الجيّه