المشاركة الأصلية كتبت بواسطة محمد الوبير (المشاركة 407611)

لكم الحب وطابت ذوائقكم واسماعكم


للسماع
http://www.sbaek.net/sh3r/njom/76re/m-alwber/6ba7e.rm

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا هاجر الليل ليه النـوم مـن بـدري = وانا خويك قضيت العمـر صبّاحـي
اخذ من الليل سر العشق فـي شعـري = واكتبه صاحي وانا والله مو صاحـي
يغيب زولي ولكـن حاضـر بذكـري = في ساحة الشعر تجري السفن برياحي
اخترت نفسي وعفت الكل من صغري = وايقنت بني حظيـظ بخـوة اتراحـي
عطيت وجهي عدوي وللبحر ظهـري = واهديت غمد الضلوع لبارق سلاحـي
وامنت بني سلام وخفـت مـن غـدري = وارديت حظي قتيـل بـأول امراحـي
ما هاض حزني ومزني نايح القمـري = ينوح عـاده وانـوح بسبـة افراحـي
بيني وبينـي اجـاوب والله بعـذري = مادام جد الظـروف تخالـط امزاحـي
ما لنت الا لانـك قـادر(ن) كسـري = وما شمـت الا لان الرمـش ذباحـي
بنيت جنة غلا واحساس في صـدري = وابليس بعدك يوسـوس لـك بتفاحـي
مركاي صبري وعفت بمجلسي صبري = ونظمت دمع الحنين بخيـط مسباحـي
معاك عمري وتبخل بي على عمـري = لله عطني سمـاي واطلق اجناحـي
ماكبر الهجر من قدرك ومـن قـدري = خذ راس مالي وعطني منك ارباحـي
ماعاد بك شي ياخلـي علـى خبـري = وان كنت صاحي امانه حس ياصاحي
لا تسهر الليل يالله انّـام مـن بـدري = تعبت وانا اقضـي العمـر صبّاحـي[/poem]