المشاركة الأصلية كتبت بواسطة ماجد صخنان العنزي
.
.
.
قربي هنيٌا تعالي
.
لك بسولف عن حياتي
.
اجلسي هنيٌا وخلي
.
يدك تسند لك خدودك
.
واسمعيني
.
.
.
ولاابيك اتقاطعيني
.
ولو تشوفي دمع عيني / لايهمك
.
اضحكي لي / وخلي الضحكه بفمٌك
.
قربي راسي لصدرك / ابغى اسولف لك وابشكي
.
.
.
[POEM="font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]من قهر جرح ٍ ماطاب=ومن صدود اصحاب كانت
ومن ( نفاق ) وضن خاب=في ضمير احباب خانت
ماتعيش الاٌ الكلاب =في زمان الذل هانت
بي هموم واكتئاب=وللجروح الروح زانت
صح / انا بعز الشباب =بس انا لي روح عانت
اعذريني لواهاب=يوم انا ضروفي ما لانت
بهدي الناس الغياب=واسكن بعزله مابانت
لين اعوٌد للتراب=واترك ايام استشانت[/POEM]
.
.
.
ايه ابسولف واسولف / وبالسوالف ابغى اطوٌل
.
بس امانه لاتملي / لو اطولها عليك
.
حطي راسي وسط حضنك / زي ابد ماكانت امي
.
بالطفوله لي تسوٌي
.
الاٌ في طاري الطفوله / اسمعي وش لك بقوله
.
تعرفي الحارة القديمه / حارة ( عفيرا ) الصغيره
.
كل يوم اذكرها وارجع / واتمشى بكل شارع من شوارعها القديمه
.
وقتها ماشوف غيري / وغير صوت الريح فيها
.
وغير عفش وهدم طايح / بعدها عاد اتذكر
.
في وسط ذيك البيوت
.
.
.
[POEM="font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]هذا بيت الصاحب اللي =نال من جهدة نجاح
وهذا بيت الصاحب اللي=مات في حادث وراح
وهذا بيت الصاحب اللي =فيه (ربو) ولاستراح
وهذا بيت الصاحب اللي = يزعله كثر المزاح
وهذا بيت الصاحب اللي = جده ايهرب سلاح
وهذا بيت الشاعر اللي =معك جالس للصباح[/POEM].
.
.
كنا شلة مزعجين / شيطنة فعل ٍ غبر
.
ومننا الحارات تشكي / من مشاكل من هواش
.
ودايم ٍ نُضرب ونُضرب / من اهلنا يوم نخطي
.
بس ماكنا نفكر في نهايات الامور
.
.
.
[POEM="font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]نكتب بايٌة جدار=ذكرى ماتنسى ونشخبط
ونرسم قلوب وشعار=وبالوسط حرفين نربط
M زايد حرف R=حب مهما صار يضبط
والمحب ليله نهار= كنت انا ورع ٍ اخربط
عربجي بشله صغار= ومن هوا الطيرة مانهبط
ولااشتكا لابوي جار= وقتها التكفيخ يزبط
ماتعلم ياحمار= ومن كفوفه دايم اخبط[/POEM]
.
.
.
.
كنا في غفلة طفوله / لين ماحنا كبرنا
.
بس في غفلة ولادري / كيف عن بعض افترقنا
.
بعدها الرحله ابتدت بي
.
طشت في طيشة مراهق / صرت احب بكل يوم
.
كل زول ٍ فيه انا اعجب
.
وبعدها عرفت وقتي / يوم انا لنفسي التفٌت
.
صح عرفت الوقت صح
.
لاهو لعب ولاصياعه / اثرني في حال صعبه
.
فقر ٍ وعيشه بسيطه / بعدها عزمت انا ابني
.
كل حلم ٍ كنت اعيشه / بس كل ماسعى لحلم ٍ
.
كان بي حظي يخون
.
لاتحسبيني ضعيف
.
لاوربي / لاوربي
.
كان اذا حظي خذلني / ما اتشائم
.
وابتدي في عزم ٍ اقوا / بس والله لابتديت
.
القى حظي مني اقوا
.
وبعد هذا اتصٌبريني
.
من الكلام اتسٌمعيني
.
اصبر اصبر
.
اصبراصبر
.
طيٌب الى متى ابصبر
.
.
.
[POEM="font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]دامني جيتك حزين=ودام هالكني التعب
ادري بك ماتصدقين = صعبه اوصف لك صعب
آخ بس لوتعرفين=كيف انا وضعي خرب
يمكن انك تصرخين=صرخة ٍ فيها غضب
ليش يانياب السنين=تنهشين اللي احب
ويمكن انك تلعنين=كل ضرف ٍ بي نكب
مت من برد ٍ لعين = وسط انا الثلج احطب
ضعت / والقاني سجين = لابلا ذنب وسبب
لواروح اروح وين = ومالي لغيرك عرب
ايه ابحكي لك الين=اشفي غلٌي من لهب
وصبٌريني بكلمتين= دامها كذب بكذب
مااجيك الاٌ حزين = وما اروح الاٌ بتعب[/POEM]
.
.
.
.
ماجد صخنان العنزي
|
