|
اقتباس:
ثمة تعبير خاطف ..مشع .. يختزل الكلام دهشة .. هو ما لمسته هنا .. وهو خير من ألف سطرٍ مما يكتبون يا ميرال ! |
( 2 ) لاتغيبي ..! يوم قلتي لي : ( حبيبي ! ) كنتَ اداري عنك هفواتي واصونك كنت َ أخاف اني اخون الصدق ..من حزني واخونك ..! لا تناديني بدونك أيْــ ...ـه ..حبيبك لو عجز حظي يجيبك ..! يكفي إن الدرب ... توصفها عيونك صدقيني .. هي ثلاث حروف يجمعها حنانك ( شِ عْ رْ ) والرابع زمانك قاف عاشق .. أو ( ألِفْ ) شاعر مراهق ..! خلي الرابع عشانك .. *** آه يانجمه بعيدة .. لو قريتيني قصيدة تقدر تخمّ المشاعر .. بالمشاعرْ ...! عاصفة هزّتْ سكونك .. كنت كاتب .. صرتْ شاعرْ ..! يانصيبي ..! لاتغيبي وين صوتي .. وين صوتِكْ آه وشلون اتخيّل .. شوق ها الليلة يفوتكْ ..! ؟ غيبتك صارت مساحة ... يجتمع فيها حنيني مع غيابك لاتهجيت الصراحة ..! في عتابك ضاعت افزحمة سكوتكْ ..! عاتبيني ... واسمعيني لابديت أقول من طيبي الحقيقة ... عاقبيني ... ان طراك الشك فيني بس لاتغيبين عني بها الطريقة ..! يا غريبة ... هي صحيح إن السما صارت قريبة ...؟! وانْ .. ها النجمة حبيبة ..! وانها غابت .. عشان تشوف طيبي ..! وانْ كل اللي أعَرْفُهْ عن غيابك ما أَعَرْفُه .. ! وان كلاًّ .. يمنعه لا اشتاق ظرفه ...! بس مادامك .. ــــ ومن حظي ــ رضيتي بي (نصيبك ) لاتسافر بك ظنونك ولاتناديني بدونك دامني من أول الصفحة .. نسيت اسمي وسمتني سوالفنا ( حبيبك ..! ) |
هنا حيث يكون السفر متعة نُحلق ونكاد نلمس السماء نتذكر حينها أنك سألت [هي صحيح إن السما صارت قريبة ...؟!] . . ياااااااه هي قريبة فعلاً |
الأستاذ:ابراهيم الوافي وعبر انطلاقتك في سبيل شعرٍ مموسقٌ بكلّ ماهو جميلٌ نغمة وحلوٌ حرفه تخلّلت تلك الانطلاقة أيقونات مدهشة , وكأنّها أتت بعد صقلٍ زمنيّ في داخل مكنوناتك لـ تخرج أيقونة كالجوهرة الثمينة فأتينا نلتقطها ونحن نتبعك\نقرَؤك شعورٌ ممتع ونحن نقرأ ونكون على علمٍوموعد مع مقاطع ذات جمال آسر تحيّاتي لك |
اقتباس:
ربما فقط لأنك غيمة نبيلة .. شكرا لك ما تآخت الحروف |
اقتباس:
إنما تتكاثر بحضور النبلاء .. لتكون أكثر عذوبةً بهم ياعبد العزيز .. شكرا كثيرا ياصديقي لكل هذا النبْل .. |
حرفك شريعة بياض ... وشِعرك أبجدية تهدينا العطر مدنية انتظار ... أيها الوافي ...! القراءة لك ارتواء بعد عطش ... تحياتي |
لو رسالة .. لاتعثرتي بحالة .. أو كآبة .. صدقيني .. كلنا في ضيقة الخلق نتشابه ..! كلنا نحتاج .. دايم نبتعد .. حتى عن طقوس الكتابة ...! بس ليّه قلب .. ما يقدر يشوفك غايبه .. ويظل عادي ..! والطبيعي ... ! قط سمعتي يوم إنه فيه شاعر كان ( سادي ) ..؟! صدقيني .. والذي يحفظك تكفيني رسالة .. لا تعثّرتي بحالة ..! *** يا مسافة .. ! جاوزت ظلي .. وما منها حسافة ..! يكفي إن الدرب مع صوتك مدينة ...! يكفي .. اني .. والشوارع لاتغيّبتي حزينة ....! آخذ احساسي ..معاي .. ! واترك الشارع وراي ... واتضيّع ...! علّمينيْ ...! كيف ادلِّ الحين دربي ... والشوارع ..كلها نادت عليك ..! صدقيني .. كان صوتك ..! دربي اللي في يديك ..! أصدق اللوحات ( في ) كل الشوارع ..! كنت احس انك ..معي .. ما اضيع .. لو ضيعت فاتن ...! كل أفعالي .. ( مضارع ) ..! كنت بارع ...! في ( أحاديث ) المفاتنْ ... بس هلحين ( الحبية ) حلم أسمى ..! غربتي .. ( مسكين أعمى ) ..! ايه احبك .. واتهجابك مكاني أسبق الهرجة ..فبالك ...! وأفهمك .. واكشف خيالك ...! ونتعادل ...! اسمع الدهشة بصوتك ... وانتظر شهقة سكوتك ..! ( بس قلِّي : كيف تدري وش ..بقولْ ، بجد .. تذهلني ... وتسبقني بـ ثواني ) ..! لا نتجادلْ ..! صدقيني شي عادي قط سمعتي يوم إنّه فيه شاعر كان سادي ..!! *** لو رسالة ..! لا وطتنا الاستحالة ..! من تعَبك .. ومن ظروفي وانشغالي ... لو رسالة ... دامْ للإنسان ( مهما كان ) حالة ..! عن ..خيالي ...! ودي اسولف كثير ولا طرالي ..! إني البارح .. تخيلتكْ بعيدة ..! وان تاريخي معك .. ( يشبه ) مواضيع الجريدة .. وانك أكثر من حبيبة نجمة .. الحلم القريبة ...! بنت .. ابوي .. اللي على اخواني ..غريبة ...! قلب أمي .. بنت همّي ... ( بحّة ) ( الحاء ) العجيبة ..! لو رسالة ... بس تكفيني رسالة ...! لا تعثرتي .. بحالة أو كآبة ...! صدقيني ...! كلنا في ضيقة الخلق نتشابه ..! |
| الساعة الآن 11:37 AM |
Powered by vBulletin® Copyright ©2000 - 2025, Jelsoft Enterprises Ltd.