|
مشعل .. المتعة تختلف من شخص لشخص عنّي أكره اللعب الانجليزي اللي الكورة تكون من المدافع للمهاجم _الوسط مافيه_ لكن أحبّ الكور الرايقة مثل الايطالي لكن مو كلّ وقت أحيان كابيللو يقتل اللعب ولو هو متمكّن أو يكون بموقف لازم يهاجم |
مشعل اي فريق يدربه كابيللو تجده ممل جداً ويجيب النوم خاصة اذا كان الفريق الثاني متحمس بقتل المباراة هذا تكتيك نعم لكني كمشاهد اريد لعب مفتوح شوف يوفنتوس ايام كابيللو فريق يجيب الغثيان لولا لمحات بسيطة من ديل بييرو او ابرا اعرف انه المدربين اللي زي كذا هم اللي ينفعون للبطولات لكن للمشاهد يجيبون النوم |
يوفي كابيللو ياسعد أعتب عليه بس لما طلع من ليفربول وكيف كان كابيللو متحفّظ بصورة غريبة بأرضه |
كان مخطط صح ياعبدالعزيز بس مامشت معاه كل الاهداف من بعيد تسديد ,,, |
*
على الطاري: نادي روما هو الأكثر " متعة " في الكالتشيو كان كابيلو يدرب روما وحقق معه الاسكوديتو بعد 50 سنة تقريباً من آخر اسكوديتو للجيلاروسي بعد كابيلو حاولت الإدارة استقطاب مدربين كثير كان أبرزهم برانديلي اللي قدم استقالته بسبب مرض زوجته قبل وفاتها مؤخراً، ما لقت عائلة سينسي ضالتها إلا بلوتشاينو سباليتي صاحب الكرة الهجومية الخارقة مع أودنيزي واللي سبّب أيامها صداع رهيب لكل الفرق في الكالتشيو وتأهل بطريقة مجنونة لدوري الأبطال الأوروبي. سباليتي انتقل لروما كفريق مصمم له شخصياً، حتى أن تعامل مع الإدارة (اللي بدت بوادر بخلها واضحة) بكل امتنان لدرجة ظهور إشاعة بوجود علاقة " رومانسية " بينه وبين مديرة النادي آنذاك (ومالكته الحالية) روزيلا سينسي! نرجع لموضوعنا.. سباليتي اجبرته الظروف على اللعب بدون مهاجمين، وظهرت لنا خطة جديدة صارت تدرّس في معاهد التدريب باسم لوتشيانو سباليتي، كان الفريق الأمتع في أوروبا رغم وجود برشلونة ريكارد وتشيلسي مورينيو. لكن لو سألنا عن المحصلة النهائية؟ حتى كأس إيطاليا ما قدر عليه إلا بعد ما زهق روبرتو مانشيني منه. اعتقد لو سألت جمهور روما بيقول لك ياليتنا ظلينا على الكرة " غير الممتعة " مع كابيلو ونكون أبطال أحسن من لعبنا كرة ممتعة وآخرتها نخسر بالسبعة من مان يونايتد (: طبعاً فيه مثال ثاني، وهو فيورنتينا برانديلي.. لكن للأسف التحولات الكثيرة اللي صارت معاه وأزمة الكالتشيو بولي تخلينا ما نقدر نقيمه بوضوح مثل تقييمنا " لروما ما بعد كابيلو ". اجل خلنا نستشهد بمثال أوضح للجميع: أرسنال فينغر، وهي مرحلة بعد المرحلة المعروفة رسمياً باسم [ ارسنال الممل ] ! مع آرسن فينغر صار: ارسنال الممتع، حسب تعريفكم للمتعة، لكن وين الانجازات؟ فيرغسون مستحوذ على الدوري وطموحاته بدوري الأبطال دائماً عالية، وتشيلسي النادي المتواضع سابقاً حصل على البريميرليغ مرتين في عهد " ارسنال الممتع "! الموسم الماضي طلعوا من دوري الأبطال بسبب لاعب ناشيء اعتقد اسمه " غيبز " - الظهير الأيسر - وماله ذنب، كل ذنبه إن المباراة وضغوطها وحساسيتها كانت أكبر منه، وإن مدربه لم يعد مدرب كرة قدم بقدر ماهو متاجر بالأطفال! طبعاً انا ما تجاهلت الانجازات في فترة هنري وفييرا وليونبرغ وبيريز وكامبل..الخ لكني اشوفها قليلة في ظل عدم وجود منافسين حقيقيين ما عدى فريق واحد وأخيراً.. ماسيمو موراتي اشترى نادي الإنتر وكل طموحه هو تحقيق إنجاز الإنتر في الستينيات أيام والده، لكنه كان يبحث عن المتعة بنفس الوقت وصرح في مناسبات كثيرة إنه يسعى لصناعة الإنتر الممتع. خلنا الحين نترك فترة التسعينيات والألفية الجديدة ونوصل إلى ما بعد إقالة مانشيني، أعلن موراتي تعاقده مع جوزيه مورينيو وأنه " هيلينو هيريرا " الجديد!!!! هههههههههههههه ليتك يا هيريرا تشوف خليفتك كان تموت مرة ثانية مشكلة الإنتر كلها في محاولة صناعته كفريق هجومي.. " وممتع " لو اخذوها من قاصرها وتعاقدوا مع والتر زينغا كان حصلوا على التشامبينز بعد موسمين بس من تصميم الفريق المناسب لكتناشيو الألفية الجديدة (: |
سعد كنت باسهب بالكلام عن كابيللو بس مشعل سبقني (": ياهلا: مشعل الأرسنال الممتع (أرسنـ\فينجر)أخذ من البطولات أكثر من بطولات أسطورتهم التدريبيّة غراهام وبرشولنة الامتع حصل على ثلاثيّة تاريخيّة التوفيق ين المتعة والبطولات معادلة صعبة لكنّها ليست مستحيلة أحبّ روما كابيللو أكثر من يوفي كابيللو وقلت لك ماآخذ على كابيللو إلا شيء واحد تحفّظاته الدفاعيّة بفترات كان لازم يكون فيها أكثر جرأة ولا ماخفيك ماعمري تابعت الريال إلا ريال كابيللو وكنت استمتع معه ولين الحين استغرب تصريح كالديرون اللي يقول أقلت كابيللو بسبب المتعة!,المتعة ممكن تكون فقيرة بالانجازات لكنّ مو على أيّ حال كرويف أسّس فلسفة كرويّة قائمة إلى الآن هالفلسفة هي اللي جاتب 3 دوري أبطال وعدد كبير من بطولات الدوري الكؤوس وغيرها باستثناء فترة روبسون الممتازة والقصيرة وش كان قاصر برشلونة كرويف؟ بالمتعة أخذ دوري الأبطال لأوّل مرّة بتاريخ البرشا والمتعة هي اللي أهّلت اودينيزي سباليتّي وهي اللي كادت تمنح بطولة الاسكوديتو لسباليتي روما لولا إبرا وهدفيه أمام بارما,تدري من المفروض يكون خليفة هيريرا؟ كوبر أقصد كوبر فالنسيا والله |
*
هيكتور كوبر؟ حرام عليك ياخي بغض النظر عن باكيت المارلبورو الأحمر اللي يخلصه في كل مباراة كان الإنتر معاه بدون طعم حقيقي يمكن كنت تقصد خليفته لأنه أرجنتيني!! لكن كأسلوب وتكتيك ما عجبني كوبر في إيطاليا كان جميل جداً في فالنسيا لولا فشله مرتين بالوصول للنهائي لكن فالنسيا بالعموم كان يقدم كرة جميلة وخطيرة أما برشلونة الحالي فما نقدر نسميه برشلونة غوارديولا.. طبعاً يلازال (وسيظل ويستمر) برشلونة كرويف (: هذا حالة من حالات استثنائية تمر من فترة لفترة واكرر اني اتوقع نهاية هذي الحقبة في الشتاء القادم ، بعد كاس العالم للأندية تقريباً. طبعاً كلامي ما يعني ان الفريق بيتحول من فريق جميل وقوي وسريع جداً إلى فريق يشبه ريكرياتيفو وبيتيس.. ستستمر برشلونة بالمنافسة على الدوري والتشامبينز لكن مو بنفس قوته الموسم الماضي وبتقل القوة شهر بعد شهر كما اتوقع - خصوصاً لو صرح فلورنتينو بيريز برغبة الريال بالتعاقد مع إبرا - هذا التصريح ، حتى لو كان برغبة وهمية ، بيقلب غرفة ملابس برشلونة فوق تحت وبيرجع للصورة الشيطان الأكبر مدير أعمال إبرا (واللي على فكرة هو نفسه مدير أعمال ماكسويل) ويعيث براس خوان لابورتا الفساد (: |
مشعل .. كنت أقصد كوبر فالنسيا اللي وصل لنهائيّ الأبطال مرّتين وماينلام انهزم مرّه قدا الريال المنجّم ومرّه قدّام هاتسفيلد وضربات ترجيح يعني نعتبره ناجح جدّا مع فالنسيا قلت لك لمّا انتقل قلت أوك بيذوق الانتر البطولات ووقتها كان فيه رونالدو ويوووه ياكان الإنتر إنتر بس مدري وش صار ولو انّه كان قريب من اللقب برشلونة_قلبي_ أكيد هو برشلونة كرويف ولازلت أعرف وأدرك انه العقل المدبّر لتعاقدات البرشا وطريقة اللعب ولو ان هذ1 الشيء مايقلّل من نجاح ريكارد ولا غوارديولا الأوّل يعيش لحظات جميلة مع غلطة سراي حاليّا (": , وغوارديولا ثلاثيّته تتحدّث عنه ومستوى الخرافي العام الماضي كمتعة وإقناع ونتائج كبيرة ومستوى رفيع ,البرشا توقّعوا دماره بعد كرويف لما جا روبسون المختلف بالاسلوب لكنّه نجح نسبيّا وحتّى مع الفترة المتوتّرة (فان غال) ماكان الفريق بذ1ك الفشل الآن مع لابورتا البرشا مختلف بطريقة تعامله وتعاقداته ماهو البرشا اللي أعرفه الآن هو أفضل وأصرّ على قول إن إبرا له الموسم الأوّل ولو رحل ماراح يأثّر لأنّه ماهو اكزافي أو انيستا أو ميسي |
| الساعة الآن 07:37 AM |
Powered by vBulletin® Copyright ©2000 - 2025, Jelsoft Enterprises Ltd.